युवा संघ, वाइसियल र तरुण दलले संयुक्त रुपमा संविधान दिवस मनाउने
युवा संघ, वाइसियल र तरुण दलले संयुक्त रुपमा संविधान दिवस मनाउने भएका छन् । युवा संघ नेपाल, वाइसीएल नेपाल, तरुण दल नेपालको आज युवा संघ नेपालको कार्यालयमा सयुक्त बसेको बैठकले संविधान दिवस संयुक्त रुपमा मनाउने निर्णय गरेको हो ।
युवा संघ नेपालका अध्यक्ष रमेशकुमार पौडेलको अध्यक्षतामा बसेको बैठकले विभिन्न एजेन्डाहरुमा छलफल गर्दै महत्त्वपूर्ण निर्णयहरु गरेको हो । साथै बैठकले यही असोज ५ गते दिउसो २ बजे ”समृदी र सुशासनका लागि लोकतन्त्रको भुमिका” विषयमा संयुक्त अन्तरक्रिया गर्ने निर्णय गरेको छ ।
बैठकले निर्मला पन्त हत्याका दोषी पत्ता लगाई मुलुकभर बढदै गएको महिला हिंसा नियन्त्रण गर्न सरकारको ध्यानाकर्षण गर्ने, युवा सञ्जाल पुनर्गठन गर्ने र संयोजनको जिम्मा युवा संघ अध्यक्ष रमेश पौडेललाई जिम्मेवारी दिने निर्णय गरेको युवासंघ नेपालका सचिव बचनबहादुर सिंहले जानकारी दिनुभयो ।
नेता सिंहका अनुसार बैठकमा संविधान दिवस, लोकतान्त्रिक भेला, युवाहरुका सामुदायिक मुद्दाहरुको सम्बन्ध र लैगिक हिंसाका सम्बन्धमा छलफल भएकाे छ । बैठकमा वाइसीएलका अध्यक्ष रामप्रसाद सापकोटा दिपशिखा, तरुण दलका केन्द्रीय उपाध्यक्ष उतम चापागाईं , युवा संघ नेपाल बरिस्ठ उपाध्यक्ष किरण पौडेल , वाइसीएलका उपाध्यक्ष सुदिप तामाङ , युवा संघ उपाध्यक्ष प्रभात बिक्रम कटबाल लगायतको उपस्थित रहेको थियो।
