गोविन्दा अवार्डमा सहभागी हुन नेपाल आइपुगे
बलिउड अभिनेता गोविन्दा अहुजा शनिबार बिहान नेपाल आइपुगेका छन् ।
उनी शनिबार साढे ११ बजेतिर ‘एलजी सिने सर्कल अवार्ड २०७५’मा सहभागी हुन् नेपाल आएका हुन् ।
भदौ ३१ गते राष्ट्रिय सभा गृहमा आयोजना हुने अवार्ड समारोहमा उनको प्रस्तुति रहने छ ।
लाइफटाइम अवार्डबाट सम्मानित हुन् लागेका वरिष्ठ फिल्मकर्मी किशोर रानालाई गोविन्दाले अवार्ड दिनेछन् ।
तीन दिनको लागी उनी शनिबार नेपाल आएका हुन् ।
उनी शनिबार, आइतबार र सोमबार बस्ने गरी नेपालमा आएको जानकारी छ ।
आइतबारको आवार्ड समारोहमा सहभागी भई भोलिपल्ट गोविन्दाले पशुपतिनाथमा पूजाआजा गर्नेछन् ।
पत्नी सुनिता अहुजा र छोरा यसवर्धन अहुजा शुक्रबार नै नेपाल आएका थिए ।
शनिबार गोविन्दासँगै छोरी टिना अहुजा पनि नेपाल आएकी छन् ।
गोविन्दा नेपालका ज्वाँइ हुन् ।
