निर्मला हत्या प्रकरण अनुसन्धान गर्न गएको सिआइबी टोलीमाथि नै छानबिन गर्न समिति बन्यो



 

कञ्चनपुरको भीमदत्तनगरपालिकाकी १३ वर्षीया किशोरी निर्मला पन्तको बलात्कारपछिको हत्या घटनाको छानबिन गर्न गएको केन्द्रीय अनुसन्धान ब्युरो (सिआइबी) को टोलीमाथि नै छानबिन हुने भएको छ ।

प्रहरी प्रधान कार्यालयले एसएसपी उत्तम सुवेदीको नेतृत्वमा सिआइबी अधिकृतमाथि छानबिन गर्न समिति केही दिनअघि समिति गठन गरेको थियो । समितिमा पाँच जना सदस्य छन् । समितिले सो टोलीमा गएका प्रहरीको बयान र अनुसन्धान गर्नेछ ।

प्रमुख प्रतिपक्षी दल नेपाली कांग्रेसले निर्मलाको हत्या घटना छानविनमा सरकार उदासीन देखिएको आरोप लगाउँदै आएको छ । यस्तै निर्मलाका बुबा–आमा काठमाडौं नै आएर छोरीको हत्या घटनाको छानविनको माग गरिरहेका छन् ।

उनीहरुले प्रधानमन्त्री आफूहरुको मागको सुनुवाइ नगरेको गुनासो गरिरहेका बेला यो नयाँ समिति बनेको हो । त्यस्तै निलम्बनमा परेका एसपी डिल्लीराज बिष्टसँग पनि आवश्यक बयान र गल्ती देखिए थप कार्बाही गर्ने तयारी प्रहरी प्रधान कार्यालयले गरेको प्रहरी प्रवक्ता एसएपी शैलेश क्षत्रीले जानकारी दिएका छन् ।

साउन १४ गते सिआइबीका डिएसपी अंगुर जिसी नेतृत्वमा टोली तीन सदस्यीय टोली निर्मला बलात्कार(हत्याको अनुसन्धान गर्न कञ्चनपुर गएको थियो । यो टोलीले भदौ ४ गते दीलिपसिंह बिष्टलाई घटनाका मुख्यअभियुक्त भन्दै सार्वजनिक गरेको थियो ।

बिष्टविरूद्ध किटानी जाहेरी दिन निर्मलाका बुवा–आमालाई दबाब दिएपछि स्थानीयले विरोध गरेका थिए । बिष्ट र निर्मलाको शरीरमा भेटिएको डिएनए नमिलेपछि उनी मंगलबार रिहा भइसकेका छन् । बिष्ट रिहा भएपछि प्रधान कार्यालयले उनलाई अभियुक्त भन्ने सिइआइबी टोलीमाथि अनुसन्धान थालेको हो ।

प्रतिक्रिया दिनुहोस
जिल्ला सहकारीको निर्वाचनमा महेश–दुर्लभ एक ठाउँमा ?

    जिल्ला सहकारी संघ भक्तपुरको निर्वाचनको तिथि जति –जति नजिक आउँदै छ

सदनमा विधेयक पेस गर्न प्रतिपक्षले बहुमत पुर्‍याइदिने होइन : महेश बर्तौँला

    नेकपा एमालेका सचेतक महेश बर्तौँलाले प्रतिपक्षले नभइ सत्तापक्षकै सांसदहरूको कारणले संसद

हिन्दू राष्ट्रको पक्षमा महासमितिमा बहुमत देखियो : शंकर भण्डारी

    नेपाली कांग्रेसका नेता शंकर भण्डारीले हिन्दू राष्ट्रको पक्षमा महासमितिको बैठकमा बहुमत

ग्लोबल आइएमई बैंकको नयाँ काउन्टर चाबहिलमा

      ग्लोबल आइएमई बैंक लिमिटेडले काठमाडौँ महानगरपालिका वडा नं. ७, चाबहिल,