निर्मला हत्या प्रकरण : ‘दिलिपको डिएनए मिलेन’
निर्मला पन्तको हत्यामा संलग्न भनि प्रहरीले पक्राउ गरेका दिलिपसिंह विष्टको डिएनएन नमिलेको खबर आएको छ ।
कञ्चनपुर अदालतमा पेश गर्नु अघि नै उनको डिएनए म्याच नगरेको खबर आएको हो । फरेन्सिक साइन्स अर्थात् विधि विज्ञान प्रयोगशालाले दिएको रिपोर्टमा निर्मलाको डिएनए र दिलिपसिंह विष्टको डिएनए फरक भएको पाइएको छ ।
पत्रकार महासंघ कञ्चनपुर शाखाका पूर्व अध्यक्ष एवं पत्रकार लक्ष्मण तिवारीका अनुसार दिलिपको डिएनए नमिलेको पुष्ट खबर हो । उनले यो विश्वस्त रुपमा भित्रैबाट आएको खबर हो, भने । यो रिपोर्टबारे जिल्ला अदालत कञ्चनपुरलाई जानकारी गराइसकिएको बताइएको छ ।
यद्यपि, अदालतले डिएनए नमिलेको भनेर दिलिपलाई रिहा गरिसकेको अवस्था भने होईन । गएको आईतबार थपेको म्याद सकिन लागेकाले उनलाई अदालतमा पेश गर्ने तयारी छ ।
पत्रकार तिवारीका अनुसार बेलुकी ५ बजेसम्म दिलिपलाई तारेखमा रिहा गरेकाे खबर अाउन सक्छ । यस्तै, बम दिदीबहिनीलाई समेत तारेखमा छोड्ने सम्भवना रहेको बताइएको छ ।
