‘छक्का पन्जा ३’को नयाँ गीत सार्वजनिक ‘पछि उमेर ढल्किन्छ’(भिडियो)
चलचित्र ‘छक्का पन्जा ३’को नयाँ गीत सार्वजनिक भएको छ ।
सोमबार चलचित्रको नयाँ गीत युट्युब मार्फत सार्वजनिक गरिएको हो ।
सार्वजनिक गीतमा अर्जुन पोखरेल र दीपकराज गिरीको शब्द रहेको छ ।
‘पछि उमेर ढल्किन्छ’ बोलको गीतमा निशान भट्टराई र अन्जिला रेग्मीको स्वर रहेको छ ।
गीतको भिडियोलाई कविराज गहतराजले कोरियोग्राफी गरेका हुन् ।
भिडियोमा चलचित्रका मुख्य कलाकारहरू दीपकराज गिरी, केदार प्रसाद घिमिरे, जितु नेपाल, बुद्धि तामाङ, दीपिका प्रसाईको अभिनय रहेको छ ।
फरक तरिकाको प्रस्तुति रहेको भिडियोमा रिसाइरहेकी दीपिकालाई फकाउन दीपक, केदार, जितु र बुद्धि लागिपरेको देखाइएको छ ।
दिपाश्री निरौलाको निर्देशनमा बनेको चलचित्र छक्का पन्जा ३को पहिलो गीत ‘पहिलो नम्बरमा’ केही दिन अघि मात्र करोड क्लबमा प्रवेश गरिसकेको छ ।
यो चलचित्र यही आउँदो दसैँमा रिलिज हुदैँछ ।
