मन्त्री हेरफेरबारे नेकपाका दुई अध्यक्षबिच भनाभन, अलमलमा मन्त्रीहरू



 

केही दिनयता सरकारले मन्त्रिमण्डलमा हेरफेर गर्दैछ भन्ने चर्चा चलिरहेको छ । यो चर्चा चलिरहेकै बेला नेकपाका अध्यक्ष पुष्पकमल दाहाल प्रचण्डले पनि मन्त्रिहरुको हेरफेर हुनसक्ने संकेत गरेका थिए । तर, उनले मन्त्रीहरु फेर्नसकिने संकेत गरेको हप्तादिन नबित्दै नेकपाकै अर्का अध्यक्ष एवं प्रधानमन्त्री केपी ओलीले सरकार फेरिने हल्ला गलत भएको बताए ।

सार्वजनिक मञ्चमा प्राय एउटै प्रकृतिका अभिव्यक्ति दिएपनि यस साता नेकपाका अध्यक्षद्वय केपी शर्मा ओली र पुष्पकमल दाहाल प्रचण्डबीच यसपटक कुरा बाझिएको छ ।

 

सरकार पुर्नगठन र मन्त्रीहरुको हेरफेरबारे अध्यक्षद्यबीच कुरा बाझिएको हो । सरकारले अपेक्षित गति लिन नसकिरहेको र मन्त्रीहरुको कामप्रति स्वयं सत्तारुढ दलकै शीर्ष नेताहरु असन्तुष्ट रहेको भनिएको समयमा अध्यक्षद्वयको कुरा बाुझएको हो ।

 

भारत भ्रमणमा जानुपूर्व आफ्नै निवासमा पत्रकारहरुसंग कुरागर्दै अध्यक्ष प्रचण्डले जनताको पक्षमा बोल्ड डिसिजन लिन आवस्यक परे मन्त्रीहरुको फेरबदल हुनसक्ने संकेत गरेका थिए ।

 

‘सरकारको कामकारवाहीको समीक्षा शुरु भएको छ, यतिबलियो सरकारलाई पनि सर्वसाधारणले विगतको जस्तै भन्न थाले’ प्रचण्डले भनेका थिए,‘जनताको पक्षमा काम गर्न मन्त्रीहरुको फेरबदल हुनसक्छ । पार्टी, जनता र आन्दोलन भन्दा व्यक्ति ठूलो हुँदैन ।’

 

प्रचण्ड दिल्लीमा रहेको समयमा नेकपाका अर्का अध्यक्ष एवं सरकारका नेतृत्वकर्ता प्रधानमन्त्री ओलीले मन्त्रीहरुको फेरबदल नहुने स्पष्ट गरेका छन् ।

 

‘तत्काल मन्त्रिमण्डल परिवर्तन हुँदैन, जनताको पक्षमा उत्साही भएर काम गर्नुस्’ शनिवार काठमाडौंमा आयोजित कार्यक्रममा ओलीले भनेका थिए । केही मन्त्रीहरुतर्फ फर्किएर उनले उत्साही भएर काम गर्न सुझाव दिएका थिए ।

 

ओलीले सरकारलाई अस्थिर बनाउन चाहानाले मन्त्री फेरबदलको हल्ला फैलाइएको भन्दै निर्धक्क भएर काम गर्न सुझाव दिएका थिए । ‘दुई अध्यक्षको परस्पर विरोधी अभिव्यक्तीले भ्रम सिर्जना.गर्ने काम गरेको छ’ नेकपामा एक नेता भन्छन् ।

 

त्रासमा मन्त्रीहरु !

अघिल्लो साता प्रधानमन्त्री निवास बालुवाटारमा सम्पादकहरुसँगको कुराकानीमा प्रधामनन्त्री ओलीले गलत काम गर्ने मन्त्रीलाई हेरेर नबन्ने बताएका थिए । सम्पादकहरुले विदेश हिडेका पूर्व लडाकु लेलिन विष्टलाई विमानस्थलबाट फर्काइएको बारे जिज्ञासा राखेपछि ओलीले गृहमन्त्री बादलसंग स्पष्टीकरण लिएको चर्चा आएको थियो ।

 

यसअघि मन्त्री परिवर्तनको हल्ला मात्र चलेपनि पार्टी अध्यक्ष प्रचण्डले समेत मन्त्रीहरुको हेरफेर हुन सक्ने अभिव्यक्ति दिएपछि मन्त्रीहरु त्रासमा देखिएका थिए । जनतासंग प्रत्यक्ष सरोकार राख्ने मन्त्रीहरुले सोचे अनुसार काम गर्न नसकेको गुनासो भइरहेको छ ।

 

प्रचण्डको अभिव्यक्तिले मन्त्रीहरुमा खैलाबैला उत्पन्न गराएको थियो । प्रधानमन्त्रीको सोमबारको अभिव्यक्तिबाट मन्त्रीहरुमा केही राहात देखिएको छ ।

 

शनिवार नै गोरखामा आयोजित एक कार्यक्रममा सरकारका प्रभावशाली मन्त्री रामबहादुर थापा बादलले मन्त्रीको फेरबदल नहुने बताएका थिए । उनले मन्त्री परिवर्तनबारे क्याविनेटमा कुनै कुरा नउठेको बताएका थिए ।

 

प्रचण्ड आइतवार दिल्लीबाट फर्केपछि सरकारको काम कारवाहीको बिषयमा थप समीक्षा हुने नेकपा स्रोत बताउँछ । प्रचण्डको दिल्ली भ्रमण र मन्त्रीहरुको फेरबदलमा कुनै साइनो भने छैन् ।

 

सरकारको कामप्रति खासै सन्तुष्ट नदेखिएका प्रचण्डले प्रधानमन्त्री ओलीसंग थप छलफल गर्ने यसअघि नै बताइसकेका छन् । प्रधामनन्त्री ओलीले मन्त्री र सचिवहरुलाई राखेर जनतामा परिवर्तनको आभास हुनेगरी काम गर्न निर्देशन दिएपनि अपेक्षित काम हुन नसकेको भन्दै नेकपाकै नेताहरु असन्तुष्ट देखिएका छन् ।

प्रतिक्रिया दिनुहोस
सूचना प्रविधि सम्बद्ध निकायको पुनर्संरचना गर्ने सञ्चारमन्त्री गुरुङको पहिलो निर्णय

    नवनियुक्त सञ्चार तथा सूचना प्रविधिमन्त्री पृथ्वीसुब्बा गुरुङले डिजिटल नेपाल फ्रेमवर्कलाई परिमार्जन

सरकारी अस्पतालमा लाइन बस्न नपर्ने बनाउँछौं : प्रदीप पौडेल

    नवनियुक्त स्वास्थ्य तथा जनसंख्यामन्त्री प्रदीप पौडेलले एक महिनाभित्र सरकारी अस्पतालमा सेवा

सरकारको उद्देश्य राजनीतिक स्थायित्व र भ्रष्टाचार नियन्त्रण : गृहमन्त्री

    गृहमन्त्री रमेश लेखकले भ्रष्टाचार नियन्त्रण गरेर सुशासन कायम गर्न सरकारले प्राथमिकताका

प्रधानमन्त्री ओलीद्धारा पदभार ग्रहण

    नेकपा एमालेका अध्यक्ष केपी शर्मा ओलीले प्रधानमन्त्रीको पद सम्हालेका छन् ।