प्रचण्डले भारतीय गृहमन्त्रीलाई भने, ‘सिमानामा नेपालीमाथिको लुटपाट रोक्नुहोस्’



 

नेपाल कम्युनिष्ट पार्टी (नेकपा) का अध्यक्ष तथा पूर्व प्रधानमन्त्री पुष्पकमल दाहाल प्रचण्ड र भारत सरकारका गृहमन्त्री राजनाथ सिंहलाई सिमानमा हुने नेपालीमाथिको लुटपाट रोक्न आग्रह गरेका छन् । उनले भारत नेपालबीचको सिमानामा नेपालीमाथि व्यापक लुटपाट भइरहेको भन्दै यस्तो रोक्न भनेका हुन् ।

शुक्रबार दिउँसो सिंहको भेटमा अध्यक्ष प्रचण्डले भारतमा काम गरेर नेपाल फर्किने क्रममा विशेष गरी चाडपर्वको समयमा धेरै नेपालीलाई भारतीय सुरक्षाकर्मी र सर्वसाधरणले लुट्ने गरेको गुनासो आएको उल्लेख गर्दै यो रोक्न पहल गर्न आग्रह गरे ।

प्रचण्डको चासोपछि गृहमन्त्री सिंहले सीमाक्षेत्रका सबै अधिकारीहरुलाई तत्कालै खबर गरी अबका दिनमा यस्ता घटना हुन नदिने विश्वास दिलाएका थिए ।

भेटमा नेपाल–भारत सम्बन्धमा अहिले सकारात्मक वातावरण बनेको भन्दै नेपालको आर्थिक समृद्धिमा दुवै देश मिलेर अघि बढ्नेबारेमा छलफल भएको दाहालको सचिवालयले जानकारी दिएको छ ।

प्रवासी नेपालीसँग छलफल
अध्यक्ष प्रचण्डले शुक्रबार बिहानै प्रवासी नेपालीसँग भएको छलफलमा प्रवासीहरुले सीमाक्षेत्रमा नेपालीमाथि हुने गरेका लुटपाटका घटनाबारे गृहमन्त्रीको ध्यानाकर्षण गराएका थिए । प्रवासी नेपालीहरुको आज छलफलमा प्रचण्डले यो समस्या भारतीय सरकारसँग राख्ने बताएका थिए ।

छलफलमा प्रचण्डले अगाडि सारेको विकास योजनाको पक्षमा वातावरण बनाउन, नेपाल भारतबीच भएका सम्झौताहरु कार्यान्वयन गराउन र नेपाल भारतबीचको सम्बन्धलाई थप बलियो बनाउन आफू भारत आएको बताएका थिए । उनले हाल दुई देशका बीचको सम्बन्धमा सकारात्मक विकास भएको पनि उल्लेख गरे ।

उनले बदलिएको परिस्थितिमा नेपाली कार्यवहाक राजदूत र कर्मचारीलाई अझ सक्रियतापूर्वक र गम्भीरतापूर्वक कार्यसम्पादन गर्न आग्रह समेत गरे ।

कार्यक्रममा प्रवासी नेपालीहरुले बैंक खाता, भोटर आइडी, इस्योरेन्स लगायतका समस्याका बारेमा पनि समाधानका लागि पहल गर्न अनुरोध गरेका थिए ।

अजित डोभालसँग डिनर मिटिङ
भारत भ्रमणमा रहेका प्रचण्डले यसअघि भारतका राष्ट्रिय सुरक्षा सल्लाहकार अजित डोभालबीच भेट गरेका थिए । बिहीबार साँझ उनीहरुबीच भेट भएको हो । भेटका अवसरमा दुई पक्षीय सम्बन्धका बिषयमा छलफल भएको थियो ।

पछिल्लो दुई देशका बीचमा बढ्दै गएको सम्बन्ध र हार्दिकता सुदृढ गर्ने र दुई देशबीच पछिल्लो चरणमा भएका सहमति र समझदारीहरुलाई छिटोभन्दा छिटो तालिका अनुसार कार्यान्वयनमा लैजाने बिषयमा छलफल छलफल भएको जनाइएको ।

बिहीबार दिल्ली पुगेका दाहाल र डोभालबीच साँड झण्डै तीन घण्टा लामो डिनर मिटिङ भएको थियो ।

प्रतिक्रिया दिनुहोस
प्रचण्डले परिवारबाहेक अरुलाई स्थान छैन भन्ने सन्देश दिए : जनार्दन

    नेकपा (माओवादी केन्द्रं) का उपमहासचिव जनार्दन शर्माले लिखित असहमति राख्दै पार्टीभित्र

राजेन्द्र महतोको राष्ट्रिय मुक्ति क्रान्ति अभियान

    राष्ट्रिय मुक्ति क्रान्ति अभियान’ का अगुवा नेता राजेन्द्र महतो दलबलसहित माइतीघरको

एमाले सरकार फेर्ने खेलमा छैन : ओली

  प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीले सरकार फेर्ने

गठबन्धन खरानीको डल्ला हो : ओली

    नेकपा एमाले का अध्यक्ष केपी शर्मा ओलीले सरकार फेर्ने बदल्ने खेलमा