‘पहिलो नम्बरमा’को सफलतामा दीपक–दिपाले काटे करोडको केक !
यही आउँदो दसैँमा रिलिज हुन लागेको चलचित्र ‘छक्का पन्जा ३’को पहिलो गीत ‘पहिलो नम्बरमा’ सफल भएपछि छक्का पन्जा टिमले केक काटेर सेलिब्रेसन गरेको छ ।
बिहीबार राजधानीमा एक कार्यक्रम आयोजना गर्दै चलचित्र युनिटले केक काटेर सेलिब्रेसन गरेको हो ।
यो गीतले छोटो समयमा युट्युबमा एक करोड बढी भ्युज कमाउन सफल भएको छ ।
गीतमा दीपक शर्माको सङ्गीत, राजेन्द्र थापाको शब्द रहेको छ भने डेविड शङ्कर र विन्दु परियारको स्वर रहेको छ ।
चलचित्रको अर्को गीत आउँदो साता सार्वजनिक हुने निर्माण पक्षले जानकारी दिएको छ भने ट्रेलर असोजको पहिलो साता रिलिज हुने छ ।
चलचित्र छक्का पन्जा ३ लाई दिपाश्री निरौलाले निर्देशन गरेकी हुन् ।
चलचित्रमा दीपकराज, दीपिका प्रसाईं, केदार घिमिरे, जितु नेपाल, बुद्धि तामांग, प्रियंका कार्की, संजोग कोइराला लगायतका कलाकारको अभिनय रहेको छ ।
