नेपालकै पहिलो अंग्रेजी फिल्म ‘द म्यान फ्रम काठमाण्डू’ ट्रेलर



 

महंगो बजेटमा निर्माण भएको फिल्म ‘द म्यान फ्रम काठमाण्डू’ को ट्रेलर र पोस्टर रिलिज भएको छ ।

नेपालकै पहिलो अंग्रेजी फिल्मको सुट हलिउड नगरी लस–एन्जल्ससहित काठमाडौंमा गरिएको थियो ।

फिल्मको करिब पाँच करोड लगानीमा निर्माण भएको बताइएको छ ।

थिम पोतिएको पोस्टरमा फिल्मका एक मुख्य पात्रको अनुहारलाई मुकुन्डोले छोपिएको छ ।

पृष्ठभूमिमा नेपाली ऐतिहासिक सम्पदा देख्न सकिन्छ ।

निर्माताले हलिउड, बलिउड र नेपालमा एकैसाथ फिल्म रिलिज गर्ने तयारीमा आफूहरु जुटेको बताए ।

क्यूएफएक्स सिनेमाज् प्रमुख समेत रहेका निर्माता नकिम उद्दिन अहिले अमेरिकामा छन् ।

केही स्टुडियोसँग रिलिजबारे छलफल भैरहेको जानकारी उनले दिए ।भारतीय, पाकिस्तानी र केही हलिउड कम्पनीले समेत नेपालको पहिलो अंग्रेजी फिल्मको वितरणमा चासो व्यक्त गरेको उनले बताए ।

फिल्मका निर्देशक पेमा धोन्डुप हुन् ।

उनी निर्देशित फिल्म ‘वी आर नो मंक्स’ (२००४) ले सुखद समिक्षा प्राप्त गरेको थियो ।

तिब्बती शरणार्थी अभिभावकको रुपमा जोमसोममा हुर्किएका पेमाले त्यहाँ छँदै आफूमा कथाको विकास भएको अनुभव सुनाए ।

फिल्मले अतिवादी सोच भएको एक हिन्दु–मुस्लिम युवकको मनोवैज्ञानिक र भौतिक यात्राको कथा भन्छ ।

निर्देशक धोन्डुपले भने, ‘यसले धार्मिक सहिष्णुता, धार्मिक समानताको समर्थन गर्दै अतिवादको विरोध गर्छ ।’

फिल्ममा अमेरिकी अभिनेता जोसे म्यानुअल, बलिउड अभिनेता गुल्सन ग्रोवर, पाकिस्तानी अभिनेता हमिद शेख, नीर शाह, आना शर्मा, शिशिर बाङ्देल, कर्म शाक्य, आमिर गौतम लगायतको अभिनय छ ।

कार्लोस मेडिनाको छायांकन, एरिक कारखेकको सम्पादन, हरि पिलाइको ध्वनी, जोसे म्यानुअलको स्टन्ट कोरियोग्राफी छ । निर्माता केही दिनमै ट्रेलर लन्चको तयारीमा जुटेका छन् ।

 

प्रतिक्रिया दिनुहोस
नियमन सम्भव नभएपछि टिकटक प्रतिबन्ध : सञ्चार मन्त्रालय

    सञ्चार तथा सूचना प्रविधि मन्त्रालयले सामाजिक सञ्जाल टिकटकका गतिविधि नियमन गर्न

दुर्गा प्रसाईँको अभियानमा आएका महिलामाथि दुर्व्यवहार

    दुर्गा प्रसाईंले काठमाडौंमा आयोजना गर्न लागेको कार्यक्रमका लागि उपत्यका बाहिरबाट आएका

टिकटक बन्दको विरोधमा माइतीघर मण्डलामा प्रदर्शन

    टिकटक बन्द गर्ने सरकारको निर्णयबिरुद्ध युवाहरुको एक समूहले काठमाडौंमा माइतिघरमा प्रदर्शन

‘को–हजबेन्ड’ ले क्यानडामा जित्यो उत्कृष्ट सर्ट फिल्म अवार्ड

    नेपालको बहुपति प्रथामा आधारित वृत्तचित्र ‘को–हजबेन्ड’ (सहायक श्रीमान) ले क्यानडामा नगद