चिकित्सकहरुको आन्दोलनमा कांग्रेसको समर्थन: सभापति देउवा
नेपाली कांग्रेसका सभापति शेरबहादुर देउवाले चिकित्सकहरुको आन्दोलन जायज भएको बताएका छन् । चितवनस्थित नेपाल प्रेस युनियन भरतपुर शाखाले आयोजना गरेको पत्रकार सम्मेलनमा सभापति देउवाले उपचार सेवा नै ठप्प पार्दै आएका चिकित्सकहरुको आन्दोलनमा कांग्रेसको समर्थन रहेको बताएका हुन् । ‘उनीहरुका जायज माग सम्वोधन हुनुपर्छ’ उनले भने ।
एक अर्को फरक प्रसंगमा बोल्दै सभापति देउवाले सरकारको काम गराई चित्तबुझ्दो नभएको भन्दै सच्चिन आग्रह गरेका छन् । नेपाली कांग्रेस बलियो प्रतिपक्ष भएर बसेकोले सरकारको हरेक क्रियाकलाप नजिकबाट नियालेको उनको भनाई थियो ।
पछिल्लो समय देशमा बढेको बलात्कारका घटनाप्रति चिन्ता व्यक्त गर्दै सभापति देउवाले सरकार दोषीको पहिचान गरी कारबाही गर्न असफल भएकोप्रति गुनासो गरेका छन् । उनले भने, ‘बलत्कार घटनाका दोषीलाई कारबाही गर्न किन ढिलाई ?’
