ब्राजिलको २०० वर्ष पुरानो संग्रहालयमा भीषण आगलागी
ब्राजिलको रियो दि जेनेरियोमा रहेको एक संग्रहालयमा भीषण आगलागी भएको छ । मुलुकको सबैभन्दा पुरानो विज्ञान संग्रहालयमा आगलागी भएको हो । यो संग्रहालयमा २ करोडभन्दा बढी सामग्रीहरु रहेका थिए ।
आइतबार लागेको यो आगलागीको कारण अहिलेसम्म कुनै मानवीय क्षति भएको वा घाइते भएको विवरण आएको छैन । यो संग्रहालय पोर्चुगलको राजकीय परिवारका लागि स्थापना गरिएको थियो । यसै वर्ष २ सय वर्ष पूरा भएको छ । आगो लागेको प्रकृतिले यो संग्रहालयको सेवा बन्द भइसकेपछि आगलागी सुरु भएको हो । यद्यपि अहिलेसम्म आगलागीको कारण भने खुल्न सकेको छैन ।
ब्राजिलका राष्ट्रपति मिचेल टेमरले सामाजिक सञ्जाल ट्वीटरमार्फत् यो घटना सबै ब्राजिलियनका लागि सबैभन्दा दुःखदायी रहेको बताएका छन् । उनले यो संग्रहालयमा लागेको आगलागीसँगै अपूरणीय क्षति भएको बताए ।
संग्रहालयका निर्देशकले यो आगलागी सांस्कृतिक वियोग रहेको बताएका छन् । यो संग्रहालयमा ब्राजिलको इतिहास झल्काउने हजारौं सामग्रीहरु राखिएका थिए । त्यसका साथै अन्य केही मुलुकहरुका सांस्कृतिक सामग्रीहरु पनि यो संग्रहालयमा राखिएको थियो ।
यो संग्रहालयमा सबैभन्दा महत्वपूर्ण डाइनोसरको हाड र १२ हजार वर्ष पुरानो एक महिलाको अस्थिपञ्जर पनि राखिएको थियो । उक्त अस्थिपञ्जर अमेरिकामा पाइएकोमध्ये सबैभन्दा पुरानो हो । (एजेन्सी)
