भदौ १६ बाट इन्टु मिन्टु लण्डनमाको देश दौडाहा
साम्राज्ञी राज्य लक्ष्मी शाह र धिरज मगरको मुख्य भूमिका रहेको चलचित्र इन्टु मिन्टु लण्डनमाले मोफसल टुरको आयोजना गर्ने भएको छ ।
निर्देशक रेनेशा वान्तवा राईको जानकारी अनुसार चलचित्रको मोफसल टुर भदौ १६ गते झापाको बिर्तामोडबाट सुरु हुनेछ।
त्यसपछी १७ गते दमक , २२ गते इटहरी र बिराटनगर, २३ गते धरान, २६ गते पोखरा, २७ गते चितवन, २८ गते बुटवल र २९ नेपालगन्ज पुगेर चलचित्र निर्माण टिम काठमाडौं फर्किने छ ।
कोरियोग्राफर रेनेशा वान्तवा राईको डेब्यु निर्देशन रहेको चलचित्रमा प्रज्वल समशेर जबरा र प्रभु समशेर जबराको निर्माण रहेको छ ।
शैलेन्द्र धोज कार्कीको छायांकन रहेको चलचित्रमा टिसूजिल कर्माचार्य, हर्कुलस बस्नेत, स्वप्न सुमन र बसन्त सापकोटाको संगीत रहेको छ ।
चलचित्र का अन्य कलाकारमा शारुक ताम्राकार, दिलभुषण पाठक, विजय लामा, रुवी राणालगायत मुख्य भूमिकामा छन् ।
