‘रामकहानी’काे गीतमा आकाश र पूजाबिच यस्तो प्रेम (भिडियो)
यही आउँदो भदौ २२ गतेबाट प्रदर्शनमा आउन लागेको चलचित्र रामकहानीको नयाँ गीत सार्वजनिक भएको छ ।
सुगम पोख्रेल र अन्जु पन्तको स्वरमा रहेको ‘आए म तिम्रो छेउ’ बोलको गीत निर्माण टिमले युुट्युुबमार्फत सार्वजनिक गरिएको हो ।
सदाझैँ यस पटक पनि अभिनेत्री पूजा शर्मा निर्मित रामकहानीमा सङ्गीत अर्जुन पोखरेलले भरेका छन् ।
सार्वजनिक गीतमा अर्जुन पोख्रेलको शब्द तथा सङ्गीत रहेको छ ।
सार्वजनिक लिरिकल साथै भिडियोमा चलचित्रका मुख्य कलाकार पूजा शर्मा र नायक आकाश श्रेष्ठ फिचर छन् ।
केदार घिमिरे, जितु नेपाल, विल्सनबिक्रम राई, रविन्द्र झा, राजाराम पौडेल, शिशिर राना, विशाल पहारी, सुनिता श्रेष्ठ ठाकुर लगायत अभिनीत चलचित्रलाई सुदर्शन थापाले निर्देशन गरेका छन्।
