फ्राइडे रिलिज: हलमा ‘नाइँ न भन्नु ल ५’ र ‘रेनी’
आज शुक्रबार नेपाली सिनेमा हलमा आजबाट दुुई नेपाली चलचित्र एकसाथ रिलिज भएका छन् ।
जसमा ‘नाइँ न भन्नु ल ५’ र ‘रेनी’ रहेको छ ।
चलचित्र नाई न भन्नु ल ५लाई यो बर्षको पहिलो बिग रिलिजको रुपमा मानिएको छ ।
यसअगाडी रिलिज चार सिरिज बाट पाएको सफलताका कारण पनि चलचित्र दर्शकका लागि प्रतिक्षित रहेको छ।
चलचित्रलाई बिकास राज आचार्यले निर्माण तथा निर्देशन गरेका हुन् ।
चलचित्रको दोश्रो शृंखलाबाट जोडिएका अनुभव रेग्मी चलचित्रका मुख्य आकर्षण हुन्।
उनको साथमा यो चलचित्रमा उनको जोडीको रुपमा सेड्रिना शर्मा प्रस्तुत भएकी छिन्।
यी दुईको साथमा निरुता सिंह, दिलिप रायमाझी, प्रियंका कार्की, केकी अधिकारि, स्वस्तिमा खड्का, अभिषेक नेपाल लगायतका कलाकारको अभिनय रहेको छ।
आजबाट नै हलमा चलचित्र रेनी रिलिज भएको छ ।
गिरिस रिजालको निर्देशनमा बनेको चलचित्रबाट नव नायिका सनम मल्ल डेव्यु गर्दैछिन् ।
लभ स्टोरी चलचित्र रेनीमा सरोज खनाल, दिपक ढकाल लगायतका कलाकारको अभिनय रहेको छ ।
