भोजपुर लगिएका खड्गबहादुर विश्वकर्मालाई किन नुवाकोट सारीयो, यस्तो छ कारण
सर्वोच्च अदालतको आदेशबाट रिहा भएलगत्तै प्रक्राउ परेका नेपाल कम्युनिस्ट पार्टीका प्रवक्ता खड्गबहादुर विश्वकर्मा ‘प्रकाण्ड’लाई प्रहरीले नुवाकोट पु¥याएको छ ।
भोजपुर लैजाने तयारी गरेपनि राति नै उनलाई बाटोबाटै फर्काएर नुवाकोट पु¥याइएको हो ।
भोजपुर तर्फ लैजादै गर्दा सागा पु¥याएपछि नुवाकोटमा एनसेल टावर आक्रमणको मुद्दा रहेको खबर आएपछि त्यहाबाट फर्काएर नुवाकोट लगेको प्रहरीले जानकारी दिएको छ । सर्वोच्चको आदेशमा छुटेलगत्तै उनी बिहीबार पक्राउ परेका थिए। भोजपुर, काभ्रे, नुवाकोटमा एनसेल टावरमा तोडफोड र आगजनी गरेको मुद्दा उनीमाथि छ। विप्लव नेतृत्वको नेकपाले केही समयअघि एनसेलका टावरमाथि शृंखलाबद्ध आक्रमण गरी क्षति पुर्याएको थियो।
७ करोडभन्दा बढी चन्दा उठाएको आरोपमा साउन २२ गते उनी काठमाडौंको चोभारबाट पक्राउ परेका थिए। लगत्तै उनका छोरा नरेन्द्रबहादुर विकले सर्वोच्चमा निवेदन दर्ता गरेपछि रिहा गर्न आदेश भएको थियो। भदौ १ गते सर्वोच्च अदालत परिसरबाट दोस्रोपटक उनलाई गिरफ्तार गरिएको थियो।
