नेकपामा केपी ओलीभन्दा प्रचण्ड बलियो , झलनाथ, वामदेव र विष्णु पौडेल यसरी परे प्रचण्डसँग लम्पसार
सत्तारुढ दल नेपाल कम्युनिष्ट पार्टी (नेकपा) का अध्यक्ष एवम् प्रधानमन्त्री केपी शर्मा ओलीले पार्टीका बरिष्ठ नेता माधवकुमार नेपालसँग मिलेर गठबन्धन बनाएका छन् ।
ओली–नेपालले गठबन्धन बनाएको सुईंको पाएपछि अर्का अध्यक्ष पुष्पकमल दाहाल प्रचण्डले पनि त्यो गठबन्धन भत्काउनेगरि महागठबन्धन बनाउने तयारी थालेका छन् ।
स्रोतका अनुसार प्रचण्डले पछिल्लो समय पार्टीका बरिष्ठ नेता झलनाथ खनाल र नेता वामदेव गौतमसँग छुट्टाछुट्टै भेटवार्ता गरेका छन् । भेटमा प्रचण्डले अध्यक्ष ओली र नेता नेपाल मिलेर आफूलाई पेल्नेगरि गठबन्धन बनाएकोबारे जानकारी गराउँदै त्यो गठबन्धन भत्काउनेगरि आफ्नो नेतृत्वमा महागठबन्धन बनाउन छलफल गरेका थिए ।
प्रचण्डको प्रस्तावमा नेता खनाल र गौतम दुवै राजी भएका थिए । खनाल त ओली र नेपालसँग सुरुदेखि नै रुष्ट छन् ।
आगामी महाधिवेशनमा पार्टीको नेतृत्वमा ओलीले नेता नेपाललाई अघि सार्ने वचन दिएसँगै नेता नपाल पनि सक्रियताका साथ प्रचण्डलाई कमजोर बनाउन लागिपरिरहेका छन् ।
तर, नेता खनालले कुनैपनि हालतमा नेपाललाई नेतृत्वमा पुग्न नदिनेगरि प्रचण्डलाई साथ दिने वचन दिईसकेको स्रोतको दाबी छ ।
पार्टी एकताका सूत्रधार नेता गौतम त सुरुदेखि नै प्रचण्डनिकट नेता मानिन्छन् । उनले आगामी महाधिवेशनमा प्रचण्डलाई नै सघाउनेगरि पार्टीभित्र गतिविधि अघि बढाएको नेकपाका शीर्ष नेताले बताए ।
अध्यक्ष प्रचण्डको पक्षमा खनाल र गौतममात्रै नभएर ओलीकै विश्वापात्रको रुपमा चिनिएका नेताहरु विष्णु प्रसाद पौडेल र वर्तमान परराष्ट्रमन्त्री समेत रहेका नेता प्रदीपकुमार ज्ञवालीपनि उभिने निश्चित् भएको छ ।
आगामी महाधिवेशनसम्म पुग्दा योगेश भट्टराईसमेत प्रचण्डको पक्षमा जान सक्ने नेकपाका नेताहरुको दाबी छ ।
उता ओली र माधव नेपाल गठबन्धनमा भने प्रभावशाली नेताहरुमा विष्णु रिमाल, रविन्द्र अधिकारी र रघुवीर महासेठ लगायत मात्रै रहने बुझिएको छ ।
