आज संवैधानिक परिषद्को बैठक बस्दै, अख्तियार प्रमुख लिलामणि पौडेल र प्रधानन्यायाधीश ओमप्रकाश मिश्रलाई बनाउने तयारी
आज आज दिउँसो ४ बजे संवैधानिक परिषदको बैठक बस्दै छ । बैठकले सर्वोच्च अदालतका प्रधानन्यायाधीश र अख्तियार दुरुपयोग अनुसन्धान आयोगका प्रमुख आयुक्तको नाम सिफारिस गर्ने बुझिएको छ ।
अख्तियार प्रमुख लिलामणि पौडेल र प्रधानन्यायाधीश ओमप्रकाश मिश्रलाई बनाउने तयारी भएको स्रोतको दाबी छ ।
नेकपाको अध्यक्ष प्रचण्डले भने बमोजीम अख्तियार प्रमुखमा लिलामणि पौडेललाई बनाउने तयारी गरेको बिषेश स्रोतको दाबी छ ।
यसअघि कामु प्रधानन्यायाधीश रहेका दीपकराज जोशीलाई प्रधानन्यायाधीश सिफारिस गरिएको थियो तर उनको नाम संसदीय सुनुवाइ समितिले अस्वीकार गरेपछि परिषदले आज नयाँ नाम सिफारिस गर्ने भएको हो ।
प्रधानन्यायाधीश हुन योग्यता पुगेका सर्वाेच्च अदालतका वरिष्ठ न्यायाधीशद्वय ओमप्रकाश मिश्र र चोलेन्द्रशमशेर राणामध्ये एकको नाम सिफारिस हुने आँकलन गरिएको छ ।
गत साता नै बस्ने भनिएको परिषद बैठक प्रमुख विपक्षी दलको नेता शेरबहादुर देउवा अनुपस्थित भएपछि बस्न सकेको थिएन । उपचारका लागि सिंगापुर गएका देउवा फर्किएपछि परिषदको बैठक बस्न लागिएको हो ।
बैठकले गत फागुनदेखि कार्यवहाकको भरमा चलिरहेको अख्तियारका प्रमुख आयुक्तको नाम पनि आजै सिफारिस गर्ने जनाइएको छ । प्रमुख आयुक्तका लागि हाल कार्यबाहक प्रमुख आयुक्त रहेका नवीनकुमार घिमिरे, पूर्व मुख्यसचिव लिलामणि पौडेल र वरिष्ठ अधिवक्ता युवराज संग्रौला, पूर्व मुख्यसचिव राजेन्द्रकिशोर क्षत्रीको नाम चर्चामा छ ।
