फेसबुकमा प्रधानमन्त्रीको कार्टुन सेयर गर्दा पक्राउ परे वडा सचिव
सामाजिक सञ्जाल फेसबुकमा नक्कली आइडी बनाएर प्रधानमन्त्रीबारे अफबाह फैल्याएको अभियोगमा एकजना सरकारी कर्मचारी नै प्रहरीको फन्दामा परेका छन् ।
महानगरीय प्रहरी अपराध महाशाखाले भक्तपुरको सूर्यविनायक नगरपालिका- ३ घर भइ हाल काभ्रेको रोशी गाउँपालिका(५ का सचिव तथा नायव सुब्बा होमनाथ सिग्देललाई बबरमहलबाट पक्राउ गरी हिरासतमा लिएको हो ।
फेसबुकमा नक्कली आइडी बनाई लक्ष्मण पराजुलीले बनाएको कार्टुन सेयर गरेर प्रधानमन्त्रीबारे अफबाह फैल्याएको अभियोग उनीमागथि लागेको छ ।
त्यसैगरी प्रमबारे भ्रम पर्ने खालका कार्टुन र अन्य तस्बिरहरु सेयर गरेको तथा गालीगलौज गरेको अभियोगमा पक्राउ परेका उनलाई प्रहरीले विद्युतीय कारोवार ऐन ९साइबर क्राइम० अन्तर्गत मुद्दा चलाउने तयारी गरेको छ ।
‘प्रधानमन्त्रीलाई लक्षित गरी नकारात्मक सामाग्री पोस्ट गरेर फेसबुकमार्फत भ्रम फैलाएको पाइयोु, महानगरीय अपराध महाशाखाका एसपी नरेन्द्र उप्रेतीले भने, उनलाई साइबर क्राइम अन्तर्गत हिरासतमा राखेर अनुसन्धान थाल्दैछौँ ।
विद्युतीय कारोबार ऐन,२०६३ को दफा ४७ बमोजिम विद्युतीयस्वरुपमा गैरकानुनी कुरा प्रकाशन गरेको अभियोगमा पक्राउ परेकाले उनीमाथि एक लाखसम्म जरिवाना र पाँच वर्षसम्म जेल सजाय हुन सक्नेछ ।
