भोलिबाट तरकारीको विक्री-वितरण सुचारु हुने

 

 

व्यवसायीले भोलिबाट तरकारीको विक्री वितरण सुचारु गर्ने भएका छन् । व्यवसायीले आन्दोलनका कार्यक्रम यथावतै राखे पनि लविक्री वितरण भने नरोक्ने निर्णय लिएका हुन् ।

 

सरकारले आफ्नो माग पुरा गर्ने प्रतिवद्धता नजनाए पनि व्यवसायीले कषकलाई पर्ने मर्कालाई ध्यानमा राखेर बिक्री वितरण सुरु गर्न लागेको तरकारी तथा फलफूल व्यवसायी संघका अध्यक्ष खुमप्रसाद घिमिरेले जानकारी दिए ।

 

सोमबार भएको अनुगमनपछि व्यवसायीले कालिमाटी बजारमा मंगलबार तरकारीको बिक्री वितरण ठप्प पारेका थिए । संघका अध्यक्ष घिमिरेले आन्दोलनका कारण कृषकको उत्पादन कुहिने अवस्था आउने भएकाले संवेशदनशील भएर बिक्री नरोक्ने उनले बताए ।

 

‘हामी आन्दोलनबाट पछि हटेका हैनौं । तर, कृषकलाई मर्का नपरोस् भनेर पसल खोल्ने निर्णय गरेका हौं,’ घिमिरेले भने ।