ग्याँस पाइपलाइनको उदघाटन गर्न पूर्व जाँदै प्रधानमन्त्री ओली

हाम्रो इकोनोमि

 

 

प्रधानमन्त्री केपी शर्मा ओली मोरङ र गृहजिल्ला झापामा आयोजित बिभिन्न कार्यक्रममा सहभागि हुन भोलि मंगलबार बिराटनगर जाने कार्यक्रम रहेको छ ।

 

प्रधानमन्त्रीका प्रेस संयोजक चेतन अधिकारीका अनुसार, प्रधानमन्त्री भोलि बिहान १०:४५ मा यति एयरलाइन्सबाट बिराटनगर खनउजे कार्यक्रम छ । बिराटनगर अवतरण गरेलगत्तै प्रधानमन्त्री ओलीले ग्याँस पाइपलाइनको उद्घाटन गर्नुहुनेछ ।

 

त्यसपछि प्रधानमन्त्री ओलीले प्रदेश १ स्तरीय कार्यकर्ता भेलालाई बीरेन्द्र सभागृहमा सम्वोधन गर्नुहुनेछ । कार्यकर्ता भेलालाई सम्वोधनपछि होटल ह्यारिसनमा बिभिन्न संस्था, पार्टीका नेता÷कार्यकर्ता र नागरिकहरुसँग भेटवार्ता गर्ने कार्यक्रम रहेको छ ।

 

बिराटनगरका औपचारिक र अनौपचारिक कार्यक्रम सकेपछि साँझ पाँच बजे प्रधानमन्त्रीले पत्रकार सम्मेलन गर्ने कार्यक्रम रहेको छ । प्रधानमन्त्री ओली भोलि नेपाली सेनाको पूर्वपृतना मुख्यालय इटहरीमा बास बस्नु हुनेछ ।

 

पर्सी बुधबार प्रधानमन्त्री ओली गृहजिल्ला झापाका बिभिन्न कार्यक्रममा सहभागि हुनुहुनेछ । बुधबार बिहान पाँडाजुगीस्थित सशत्र प्रहरी बलको पाथीभरा गौणमा दिउँसोको खाना खाने कार्यक्रम राखिएको छ भने लखनपुरमा आर्युबेदिक औषधालयको शिलन्यास गर्नुहुनेछ ।

 

प्रधानमन्त्री ओलीले त्यसपछि गौरादह नगरपालिकामा आयोजना गरिने झापा पाँच नम्बर क्षेत्रीय कार्यकर्ता भेलालाई सम्वोधन गर्ने र अगुवा कार्यकर्ताहरुसँग भेटवार्ता गर्ने कार्यक्रम राखिएको छ । गौरादह सामुदायिक भवनमा दिउँसो १ बजे कार्यक्रम हुनेछ ।

 

प्रधानमन्त्री ओली बुधबार अपरान्ह दिउँसो ३।३० बजे काठमाडौं फर्कने कार्यक्रम रहेको प्रेस संयोजक अधिकारीले जानकारी दिए ।