नेपाल ग्यासले ल्यायो विस्फोट नहुने कम्पोजिट सिलिण्डर, यस्तो छ यसको बिषेशता
नेपालको पहिलो ग्यास उद्योग ‘नेपाल ग्यास’ले कम्पोजिट सिलिण्डर बजारमा ल्याएको छ । उद्योग, वाणिज्य तथा आपूर्तिमन्त्री मातृका यादबबाट उद्योगले आइतबार होटल राडिसनमा सिलिण्डरका सार्वजनिक गरे ।
उद्योगले कम्पोजिट सिलिण्डर आगोले पनि विस्फोट गर्न नसक्ने जानकारी दिए । ‘नयाँ कम्पोजिट सिलिण्डरको प्रमुख विशेषता पुर्ण सुरक्षित र विस्फोट नहुने हो, यसलाई आगोले विष्फोट गर्न सक्देन पुर्ण सुरक्षित छ’ उद्योगले जारी गरेको विज्ञप्तीमा उल्लेख छ ।
यस्तै कम्पनीका अनुसार सिलिण्डर पारदर्शी भएकाले उपभोक्ताले ग्यासको लेभल सजिलै जाँच्न सक्छन् ।कम्पनीका अनुसार अल्ट्राभ्वाइलेट किरणबाट सुरक्षित र इकोफ्रेण्डली मानिएको कम्पोजिट सिलिण्डर सबै मौसममा उपयुक्त छ । फाइबरले बनेकोले सिलिण्डर हलुको छ ।
कम्पनीले कम्पोजिट सिलिण्डर १४.२ किलो र ५ किलोमा ल्याएको छ।कम्पनीका अनुसार १४.२ किलो फाइबर सिलिण्डरको ग्यास वाहेक ९ हजार २ सय २५ रुपैयाँ र पाँच किलोको ६ हजार ९ सय ८५ रुपैयाँ पर्छ।यो सिलिण्डर मेरोकिराना डटकमबाट किन्न सकिने कम्पनीले जनाएको छ।