‘रामकहानी’ ले चलायो सिग्नेचर क्याम्पियन
‘रामकहानी’ प्रचारका लागि निर्माण पक्षले विभिन्न उपाय अपनाई रहेको छ ।
राजधानीका विभिन्न रेष्टुरेन्टमा फिल्मकै नाममा वाइफाइको आइडी र पासवर्डको क्याम्पिएन पछि अब यसको निर्माण पक्षले सिग्नेचर क्याम्पिएन चलाएको छ ।
काठमाण्डौका विभिन्न स्थानमा पुगेर केही युवाहरुले यो क्याम्पिएन गरेका छन् ।
विशेषगरि, ‘रामकहानी’ को टिसर्ट लगाएर बसन्तपुर क्षेत्रमा पुगेका युवाहरुले त्यहाँ घुम्न आउने मानिसहरुलाई ‘रामकहानी’ लेख्न लगाए ।
यो सँगै हस्ताक्षर गर्नेहरुलाई फिल्मको बारेमा जानकारी पनि दिएका थिए ।
४ जनामध्ये जसले सर्वाधिक कसले धेरै फिल्मको टिसर्टमा सिग्नेचर संकलन गर्ने भन्ने प्रतिस्पर्धा नै चलेको थियो ।
यो आइडिया फिल्मकै प्रचार संयोजक दिपेन्द्र खतिवडाको हो ।
सुदर्शन थापाको निर्देशनमा तयार भएको यो फिल्ममा पूजा शर्मा, आकाश श्रेष्ठ, केदार घिमिरे, जितु नेपाल, विल्सन विक्रम राई, रविन्द्र झा लगायतका कलाकारको मुख्य भूमिका छ ।
कमेडी लभ स्टोरी फिल्म यही भदौ २२ गतेदेखि प्रदर्शनमा आउँदैछ ।
