तय भयो ‘दालभात तरकारी’ पस्किने मिति, कलाकार यी हुनेछन्
मह सञ्चारको प्रस्तुतीमा किरण केसीले निर्माण गर्ने फिल्म ‘दालभात तरकारी’को प्रदर्शन मिति छायाँकन अगाडी नै तय गरिएको छ ।
निर्माण पक्षले जानकारी गराए अनुसार ‘दालभात तरकारी’ आगामी सालको बैशाख १३ गते प्रदर्शनमा आउने छ ।
सुदन केसीको डेव्यु निर्देशन रहने फिल्म ‘दालभात तरकारी’ का कलाकारहरुको नाम भने गोप्य राखिएको छ ।
तर विश्वस्त श्रोतका अनुसार ‘दालभात तरकारी’मा दर्शकले अभिनेता हरिवंश आचार्य र अभिनेत्री निरुता सिंहको जोडीलाई देख्न पाउँने पक्का पक्की भएको छ ।
यस्तै नायक पुष्प खड्का र नायिका स्वस्तिमा खड्काको जोडी पनि दालभात तरकारीमा बाँधिने सम्भावना प्रवल छ ।
हाँस्यव्यांग्य कलाकार विल्सन विक्रम राई केही दिन अगाडी मात्रै अनुबन्धित भएका छन् ।
कलाकार बारे निर्माता किरण केसीसँग थप बुझ्दा उनले हाल केही नबोल्ने बताए । माथि उल्लेखित कलाकार फिल्ममा हुन नसक्ने पनि भन्न सकेनन् ।
‘केही दिनमै प्रेसमिट गरेर कलाकार र प्राविधिक बारे सबै जानकारी गराउँछु’, निर्माता केसी भन्छन् ।
‘शत्रुगते’को सफलतापछि मह जोडी र किरण केसी ‘दालभात तरकारी’ निर्माणमा कस्सिएका हुन् ।
‘शत्रुगते’ का दिपकराज गिरी, दिपाश्री निरौला, प्रियंका कार्की, पल शाह र आँचल शर्मा सम्भवतः ‘दालभात तरकारी’मा हुने छैनन् ।
