अन्तरजातिय प्रेमविवाह नभित्रयाँउदै घर निकाला

 

 

धनुषा ढल्केवर । केही दिन यता लोकवहादुर भुजेलको गाईगोठमा दिनहुँ रमिता हुने गरेको छ । रमिता लाग्नुको कारण हो , लोकवाहादुरको माईला छोरा राजकुमार भुजेलले परियार युवतीलाई प्रेमविवाह गरेर ल्याएपछी दैनिकजसो हुने घरझगडा ।

गत असार ३१ गते एक वर्षको प्रेमील डेटिगंलाई टुग्याँउदै राजकुमारले महोतरी वर्दिवासकी १८ वर्षिया तारा परियारलाई सिन्दुरपोते गरेर भगाएका थिए । तर दुखको कुरा भागेर केही दिन आफन्तहरुकोमा शरण लिदै हिँँडेका यि जोडीलाई फकाएर घर बोलाईयो अनि घरमा प्रवेश समेत नगराई जगंलछेउमा रहेको गाईगोठमा राखियो ।
हो अहिले यही गाईगोठमा केटा र केटी पक्षका आफन्तहरुवीच हुने झगडाको रमिता हेर्न दिनहुँजसो गाउँलेहरु जम्मा हुन्छन् ।

 

केटा पक्ष यो प्रेमविवाह छुटाउने पक्षमा छन् भने केटी पक्षकाहरु कुनै हालतमा विवाह दर्ता गराउने पक्षमा । झगडाको रमिता हेर्न भेला भएकाहरु केही केटा पक्षकालाई उक्साईरहेका हुन्छन् भने केही केटी पक्षलाई ।
शनिवार विहान धनुषाको मिथीलानगरपालिका ७ स्थित ढल्केवर गाउँको सिरानमा रहेको जगंल छेउको लोकवहादुर भुजेलको गाईगोठमा हामी पुग्दा यस्तै दृष्य देखियो ।

 

मेरो छोरालाई यो दमीनीले फसाएकी हो , जवरजस्ति सिन्दूर हाल्न लगाएकी हो , राजकुमारकी आमा विष्णुमाया भुजेल गोठ अगाडी वडाअध्यक्ष युवराज उप्रेतीसगँ चर्किरहेकी थिईन् , यो विवाह दर्ता कुनै हालतमा हुँदैन , विवाह दर्ता भयो भने म यि दुवैलाई यो गोठवाट समेत निकाल्छु ।

 

यस्तैमा केटी पक्षका मेघवाहादुर सेञ्चुरी कड्कीए , तपाँईको छोरा केटाकेटी हो र फस्ने ? जवरजस्तिले पनि कसैले सिन्दूर हाल्छ ? कानुन अनुसार यो विवाह दर्ता हुनै पर्छ । दमिनी भनेर नहेप्नुस् । दमिनीलाई दमिनी, कमिनीलाई कमिनी , सर्किनीलाई सर्किनी नभनेर के भन्ने ?, केटाकी दिदी विमला भुजेलले सेञ्चुरीलाई तत्काल जवाफ फर्काईन् , यसले हाम्रो भाईलाई फसाएकै हो ।

 

यसरी चर्काचर्की चलिरहँदा हामीले प्रेमविवाह गरेका केटा र केटीलाई सगैँ राखेर सोध्यौँ , कुरा के हो ?
राजकुमारको जवाफ आयो, केटीले फाँसीमा झुण्डीन्छु भनेपछी मैले सिन्दूर हालेको साँचो हो ।
होईन होईन , वर्दिवास घर भएकी ताराले प्रतिवाद गरिन् , उसले मलाई एक बर्ष लभ गरेर सिन्दूर हालेर भगाउनु भको हो ,अहिले आमाको ललाइफकाईमा यस्तो भनिरहनु भएको छ । एक अर्काको वाद प्रतिवाद चर्किन थाल्यो । दुखको कुरा केटा पनि केटीलाई छोड्ने मनस्थितीमा पुगिसकेको रहेछ , सायद परिवारको दवाव हुनु पर्छ ।

 

यसरी बस्यो माया

 

केटा र केटीबीच चर्काचर्की र भनाभन मच्चिदै गर्दा हामीले प्रसगं अन्यत्र मोड्दै उनिहरुको मायाप्रेम तिर लग्यौँ । राजकुमारका अनुसार उनि एसईई सकेर प्लस टु पढ्न वर्दिवासस्थित श्री जनता उच्च माध्यामिक विद्यालयमा भर्ना भए , जुन उमाविमा तारा पनि कक्षा दशमा पढ्दै थिईन । उनिहरुको भेट त्यहीँ भएको थियो र विद्यार्थीले खेल्न लागेको तिहारको द्यौसीभैलोको रिहर्सलमा उनिहरु नजिकिएका थिए ।

 

रिहर्सल ताका उनिहरुको मौनप्रेम झागिंसकेको थियो ।
तिहारमा करिव चार दीन द्यौसीभैलो खेलेका उनिहरुको वोलीचाली भने मोवाईलको रिचार्जले गराईदिएको ताराले बताईन । दाई प्लिज मोवाईलमा रिचार्ज हालिदिनु न, राजकुमारलाई अनुरोध गर्दै ताराले भनेकी थिईन् । तारा भन्छिन्, हाम्रो पहिलो वोलचाल यहीँबाट सुरु भयो । राजकुमारले ताराको अनुरोध नस्विकार्ने कुरै भएन , पटक पटक रिचार्जको प्रयास गरे पनि नेटवर्कको समस्याले रिचार्ज हुन पाएन । अनि राजकुमारले भने , सरी वहिनी रिचार्ज भएन । यसरी उनिहरुको वोलीचाली सुरु भयो ।

 

द्यौसीभैलोको पैसाले विद्यार्थीहरुले पिक्निकको आयोजना गरे, जहाँ राजकुमार र तारा नहुने कुरै भएन । ताराको अनुरोधमा राजकुमारले त्यस दीन सुन्धारामा होनि नारायण वोलको गीतमा सर्गै नृत्य पनि गरे । यसरी उनिहरुनजिकिदै गए पछि एक दिन ताराले राजकुमारलाई मोवाइलमा म्यासेज पठाईन आईलभयू । राजकुमारको वानिव्यवहार मन परेकाले आफूले प्रेम प्रस्ताव राखेको ताराले वताईन् ।

 

राजकुमारको जवाफ एक महिना सम्म नपाएपछि ताराले एकदीन भेटेरै प्रेम प्रस्ताव राखिन् , तर पनि राजकुमारले जवाफ दिएनन् । त्यस पछि तारा रिसाएर फेरी एक महिना सम्म सम्पर्कवीहिन भएपछी राजकुमार आफैले तारालाई वर्दिवास वजारमा भेट्न वोलाए । त्यसपछि उनिहरुको प्रेमले मुर्त रुप पायो । त्यसपछि भेटघाट झागिंदै गयो उनिहरुको ।

 

कोरियन भाषाको परिक्षा दिन काठमाण्डौ गएका राजकुमार असार २६ गते फर्किए र तारालाई भेट्न वर्दिवास बोलाए । फर्कदा पशुपतिबाट ल्याएको सिन्दूरले नजिकैको भब्सिखोलाको जगंलमा लगेर ताराको सिउँदो रग्याँई दिए । २८ गते भाग्ने योजना बनाएपनि आर्थिक अभावले उनिहरु असार ३१ गते भागेर लहान आफन्तकोमा पुगेका थिए । राजकुमार भन्छन् , लाहानमा केही दिन बसेर हामी लालवन्दि मेरो फुपुकोमा गएका थियौँ, मेरो ममि हामीलाई खोज्दै फुपुकोमा आउनुभएको रहेछ , जे हुनु भै गो अव घर हिँड बसेर सरसल्लाहा गरौँला भने पछी घर आएका थियौँ ।

 

अनि चर्चा र विवादमा आयो यो प्रेम विवाह
घर आएका छोरावुहारीलाई गाईगोठमा राखेपछि यो घट्ना एक्कासी ढल्केवरभरी फैलियो । केटी पक्षका आफन्त वडाअध्यक्ष युवराज उप्रृतीले यसमा चासो राखे र केटीलाई अन्याय भएको भन्दै विवाह दर्ता गरेर न्याय दिलाउने वताए । विवाहदर्ता हुने डरले उनि छोरालाई फसाएको भन्दै ईलाका प्रहरी कार्यालय ढल्केवर पुगिन् । ईप्रकाका ईञ्चार्ज प्रहरी निरिक्षक सरोज राईका अनुसार यस घट्नाको बिषयमा दुई पटक भएको लामो छलफलले कुनै निष्कर्ष निकाल्न सकेन । तर हामी उनिहरुको विहे दर्ता गरिरिदने निष्कर्षमा पुगेका छौँ , प्रनि राईले बताए ।

 

वडाअध्यक्ष उप्रतीले पनि केटा पक्षले नमाने पनि उनिहरुको विहे दर्ता गर्ने तयारी वडाले गरिसकेको बताउँदै , विहे दर्ता लगतै उनिहरुलाई अन्तरजातिय प्रोत्साहान रकम स्वरुप एक लाख रुपैया दिने तयारी गरेको पनि वताए ।
दलित जनमुक्ति परिषद्का सयोंजक समेत रहेका केटी पक्षका मेघ सेञ्चुरीले उनिहरुको विहे दर्ता रोक्न केही स्थानिय महिला अधिकारकर्मीहरुनै लागि परेको बताए ।

 

विहे दर्ता हुन नदिन केटीलाई केटाको परिवारले दैनि मानसिक टर्चर दिएको उनको भनाई थियो । विवाहदर्ता नभए न्यायका लागि अदालत जाने वताउँदै उनले भने , केटा पक्षको परिवारले दैनिक मानसिक टर्चर दिदा केटीले तीन पटक सम्म आत्महत्याकाो प्रयास गरिसकेकी छिन् ।

सन्तोष बराइली ,विजयकुमार साह