डा. तुलसी गिरीको भाईले पनि गरे भ्रष्टाचार,विद्यालयको फलफूल समेत छोडेनन्
यो तस्विर हो, धनुषाको क्षिरेश्वर नगरपालिका , महेन्द्रनगरस्थित क्षिरेश्वर जनता माध्यामिक विद्यालयको । लटरम्म घारीले घेरिएको यस विद्यालयको प्रागंणस्थल स्थानियहरुको घाँस काट्ने ठाउँ बनेको छ । तर अचम्म लाग्ला यस विद्यालयको बार्षिक आम्दानी करिव दुई करोड रुपैयाँ हो । र , यस विद्यालयको २५ विगाहा त जग्गा मात्रै छ ।
क्षिरेश्वर जनता मावि मनोमानी ढगंले चलाएको आरोप अभिभावकहरुले लगाएका छन् । विद्यालय व्यवस्थापन समितीका अध्यक्ष कृष्ण गिरीले विद्यालय मनोमानीले चलाएको उनिहरुको आरोप छ ।
विद्यालयको जग्गाको लालपुर्जा माग्दा अध्यक्ष गिरीले देखाउन मानेका छैनन् , विद्यालय पारदशी ढगंले चलाउन माग गर्दै नौ दीन सम्म अनशन बसेका विद्यालय ब्यवस्थापन समितीका एक सदस्य ईन्द्रकान्त झाले भने , अध्यक्षले जग्गा भित्र भित्रै बेचेको हामीलाई शकां छ ।
विद्यालयको जग्गामा हप्ताको दुई पटक लाग्ने सखुवा वजारको ठेक्का मात्रै विद्यालयले बर्षको १ करोड ८१ लाखमा लगाएको छ । तर बजारको आम्दानी पनि अध्यक्ष गिरीले मनपरी चलाउने गरेको आरोप झाले लगाए । हिसाव माग्दा विद्यालयमा राजनीति गर्न खोजेको भन्नु हुन्छ गिरीजी , झा भन्छन् , हिसाव पारदर्शी गर्न अडान लिँदा गिरीका गुण्डाहरुले मलाई झण्र्ड मारेनन् ।
विद्यालयका प्रधानध्यापक कमल पण्डितका अनुसार यस विद्यालयमा करिव पाँच सय पचास विद्यार्थी अध्ययनरत छन् भने २५ शिक्षक शिक्षिका छन् । विद्यार्थीलाई निशुल्क अध्ययन गराईने उनले बताए । तर स्कुलको जग्गा र आम्दानी बारे भने उनले केही बताउन चाहेनन् ।
भने , यो सवै अध्यक्षलाईनै सोध्नुस् ।
अध्यक्ष गिरी भने अनियमितता र मनोमानी गरेको आरोप ठाडै अस्विकार गर्छन । आफूले विद्यालयलाई ३ विगाहा जग्गा दिएको दावि गर्दै उनि भन्छन् , यो सव मेरा विरोधीहरुले मेरो वद्नाम गराउन गरिएको एउटा फण्डा हो ।
अध्यक्ष गिरी पूर्व प्रधानमन्त्री तुलसी गिरीका सहोदर भाई हुन् । पूर्व राजनीतिक खेलाडी समेत रहेका उनि जनकपुरस्थित रामा होटलका मालिक समेत हुन् भने महेन्द्रनगरमा उनको एउटा काठमिल समेत सञ्चालित छ ।
क्षिरेश्वर नगरपालिकाका मेयर जोगिन्दर पजिंयार पनि अध्याक्ष गिरीले मनोमानी गरेको कुरालाई स्विकार गर्दैनन् । भन्छन् , गिरीजी दुई चार पैसामा लोभिने ब्यक्ति होईनन् , वाहाँ माथी लगाइएका आरोपहरु सवै गलत हुन् ।
२०२१ सालमा स्थापना भएको क्षिरेश्वर जनता मावि २०५८ सालबाट सार्वजानिक शैक्षिक गुँठी अन्तर्गत निजि आम्दानीबाट सञ्चालित छ ।
विजयकुमार साह
