अभिनेत्री पूजा शर्माको जिव्रो चिप्लदा माग्नेले सम्हाले
अभिनेत्री पूजा शर्मा फरासिली छिन् । तर, कहिलेकाही उनलाई यही बानीले धोका पनि दिएको छ ।
रामकहानी फिल्मको ट्रेलर सार्वजनिक कार्यक्रममा उनलाई यस्तै समस्या भयो ।
फिल्मको ट्रेलर रिलिज भएपछि उनले भनिन्–‘ट्रेलर भनेको झुक्याउनलाई नै बनाउने हो ।’
यसपछि पूजाले बोली चिप्लिएको थाहा पाइन् । उनी, माइक तल राखेर हाँसिन् । पूजाले हाँस्दै गर्दा निर्देशक सुदर्शन थापाले सम्हाले ।
उनले अब पूजाले ट्रेलर झुक्याउनलाई हो भनेर हेडलाइन्स बन्ने बताए ।
तर, कलाकार केदार घिमिरेले भने ट्रेलरमा फिल्ममा भएका राम्रा कुरा नै समावेश नगरिएको बताए ।
सामान्य सामान्य कुरा मात्र राखेर फिल्म बनाइएको रहेछ भन्दै उनले पूजाको कुरालाई मिलाउन खोजे ।
तर, पूजाले भन्न एउटा कुरा खोज्दा जिव्रो चिप्लियो र अर्कै कुरा भन्न पुगिन् ।
