‘शुभ लभ’ बाट युवा ज्योतिष हरिहर अधिकारीले नायकमा डेव्यु
फिल्म ‘शुभ लभ’ निर्माण गर्ने घोषणा भएको छ ।
‘शुभ लभ’बाट युवा ज्योतिष हरिहर अधिकारीले नायकको रुपमा डेव्यु गरेका छन् । शुक्रबार राजधानीमा एक कार्यक्रम गर्दै फिल्मको औपचारिक घोषणा भएको गरिएको हो ।
चलचित्र संघका अध्यक्ष तथा निर्माता प्रदीप कुमार उदयले फिल्मको निर्माण गर्न लागेका हुन् ।
फरक प्रेम कथा भनिएको फिल्म ‘शुभ लभ’ मा हरिहरसंग मिस टिन २०१७ कृष्टिन पौडेलले रोमान्स गर्नेछिन् ।
सन्तोष बाबु लोहनीको निर्देशन रहने फिल्ममा हरिहर र कृष्टिनीसँगै नायक प्रदीप बास्तोला, डाक्टर सूर्या थापा, अभिनेता सरोज खनाल, कलाकार राजाराम पौडेल, रविन्द्र झाको अभिनय रहेनछ ।
साथमा कार्यकारी निर्माता उदय पनि अतिथि भूमिका रहनेछन् ।
भदौ १५ गतेदेखि छायाँकन सुरु फिल्मलाई चैत १५ गते प्रदर्शन गरिने प्रदीप कुमारले बताए ।
अभिमन्यू निरवीको पटकथा तथा लेखन रहेको फिल्मको कथा हरिहरकै हो । फिल्ममा रामेश्वर कार्कीको छायाँकन, अर्जुन पोखरेलेको संगीत र रामजी लामिछानेको कोरियोग्राफी रहनेछ ।
‘शुभ लभ’ बुद्ध ईन्टरटेनमेन्ट प्रा.लिको ब्यानरमा प्रदीप कुमार उदयको प्रस्तुती र धर्मराज शर्मा सुवेदीको निर्माण रहनेछ ।
कस्ट्युम डिजाइन रोबिन परियारले गर्नेछन् । फिल्मको छायाँकन काठमाण्डौं, पोखरा, अन्नपूर्ण वेस क्याम्प, ईलाम लगायत क्षेत्रमा हुनेछ ।
