योजनाको तीज गीत ‘सपक्कै सारी सप्को पारेर’
गायिका एवम् सञ्चारकर्मी योजना पुरीले तीज गीत सार्वजनिक गरेकी छन् ।
हरेक वर्ष तीजको गीत बजारमा ल्याउँदै आएकी योजनाले यो वर्ष पनि नयाँ गीत रिलिज गरेकी हुन् ।
तीज गीतमा विकृति भित्रिएको भन्दै चौतर्फी आलोचना भइरहेका बेला गायिका पुरीले ‘सपक्कै सारी सप्को पारेर’ बोलको तीज गीतको म्युजिक भिडियो ल्याएकी हुन् ।
गीतमा एकनारायण भण्डारीको संगीत छ । गीतका शब्द कमल सरगमले लेखेका हुन् ।
गीतको भिडियोमा दिकपाल खड्का र जान्वी बोहोराले मोडलिङ गरेका छन् । भिडियोको निर्देशन स्मृति तिमिल्सिनाले गरेकी हुन् ।
