उपचारका लागि एकाबिहानै अस्पताल पुगेका विरामीको आक्रोश आजको क्षतिपुर्ति डाक्टरले दिनुपर्छ

वीर अस्पतालको प्रांगण । एकाबिहानै उपचारका लागि त्यहाँ पुगेका सयौंका संख्यामा विरामी । जब अस्पताल पुगे । तब मात्र चाल पाए अस्पतालका चिकित्सकहरुको आन्दोलनका बिषयमा ।
देशका दुर्गम भागबाट उपचारका लागि अस्पताल आइपुगेका विरामीहरुको आक्रोश सुन्न पाइथ्यो । यस्तै मध्यका आक्रोश पोख्ने महिला थिईन भ्रष्टाचार विरुद्धको अभियन्ता शारदा भुषाल ।
उनी डाक्टरको गतिविधिप्रति आक्रोशित देखिइन् । आक्रोश पोख्दै थिईन ‘आजको एक दिनको तलब डाक्टरहरुले बिरामीहरुलाई दिनुपर्छ ।’
ती महिलालाई चौतर्फी सबैले घेराबन्दी गरेर एकटकले हेरिरहेका छन् । उनलाई अन्य महिलाहरुले पनि घरि घरि साथ दिइरहेका देखिन्छन् । सुरक्षाकर्मीहरु कोही गेटमा त कोही बाहिर तैनाथ छन् भने कर्मचारीहरुचाहिँ अस्पतालभित्र बसेर केही काम गरिरहेकाजस्ता देखिन्छन् । तर, बिरामीका आफन्तहरु केही सोधखोज गर्न आउँदा ‘आज बन्द’ भन्दै फर्काएको देखिन्छ ।
त्रिवि शिक्षण अस्पतालका हाडजोर्नी विशेषज्ञ डा। गोविन्द केसी स्वास्थ्य क्षेत्रको सुधारको माग गर्दै जुम्लामा १५औँ आमरण अनसनरत छन् । यद्यपि, सरकारले डा। केसीको मागको सम्बाधेन १५औँ पटकसम्म पनि नगरिदिएपछि देशभरका सरकारी अस्पतालले आफ्नो सेवा बन्द पारेसँगै स्वास्थ्य उपचारका लागि सबेरै अस्पताल आएका बिरामीहरु बिचल्लीमा परेका छन् । बिहीबार वीरमा आएका सयौँ बिरामीहरुको यस्तै बिचल्ली देखियो । बिहानैदेखि उपचारका लागि आएका उनीहरुलाई सूचना टाँस गर्दै अस्पताल बन्द गरिएको ढिलो जानकारी दिए पछि बिरामीहरु आक्रोसितसँगै आन्दोलनमा उत्रिने सरकारी चिकित्सकहरुले एक दिनको तलब विरामीहरुलाई वितरण गर्नुपर्ने बताउँछन् ।
बिरामीहरुमाथि राजनीति गरिएको भन्दै आक्रोसित भीडले गोविन्द केसीले उठाएका मागहरु जायज भए पनि वैकल्पिक स्वास्थ्य सेवाको व्यवस्था नगरी एक्कासी सूचना टाँस गरी बन्द गर्नु आफूहरुको घोर आपत्ति रहेको बताए । बिहान आठ बजे नै आमाको स्वास्थ्य उपचारका लागि टोखाबाट आएका सुविन्द्र श्रेष्ठ डा। गोविन्द केसीले उठाएका मागहरु अत्यन्तै जायज भए पनि सरकारी अस्पतालले अन्य बिरामीको ज्यान मार्ने अधिकार नरहेको सुनाए ।
‘डा। गोविन्द केसीज्यूले उठाउनुभएको माग एकदमै जायज छ तर, अस्पतालको प्रांगणमा बिरामी उपस्थित भए पछि सूचना टाँसेर बन्दको घोषणा गर्नु उत्तम कार्य होइन ।’

के भन्छन उपभोक्तावादी ?
ज्योति बानियाँ, उपभोक्तावादी
फेरी यहिँ दृश्य दोहोरिएमा अदालत जान बाध्य हुनेछौँ
उपभोक्तावादी ज्योति बानियाँको सरकारी चिकित्सकले अधिकारभन्दा बाहिर रहेर अनावश्यक कार्य गरिरहेको उनको ठहर छ । सामाजिक संस्थाले कसैको ज्यान जोखिममा पारेर काम गर्न पाउने अधिकार नरहेको सुनाउँदै उनी भन्छन्, ‘सामाजिक संस्थाले अधिकारभन्दा बाहिर रहेर कुनै काम गर्न पाउँदैन । डा। गोविन्द केसीको सरकारी अस्पतालले यस्तो कार्य गर्नु भनेको थप बद्नामी कमाउनु हो ।’
अहिले यस विषमा राजनीतिक दलको संलग्नता रहेकाले पार्टीेले हार्ने कि जित्ने जस्तो अवस्था रहेको पनि उनी सुनाउँछन् । ‘अहिलेको बन्द र हड्ताल गरिनुको पछाडि राजनीतिक दलको संलग्नता रहेकाले पार्टीले हार्छ कि जित्छ भन्ने खालको दृश्य स्पष्ट देखिन्छ । यो बिल्कुलै गलत कार्य हो । हामीले पनि आज एक दिनका लागि मात्र हो भनेर चिकित्सकहरुले जानकारी गराएपछि ‘हेरौँ’ भनेर खुल्ला छाडेका छौँ तर भोलिदेखि पनि यहिँ दृश्य दोहोरिएमा अदालत जान बाध्य हुनेछौँ । जब कि असंख्य बिरामीहरुलाई बेवास्ता गरेर यस्ता खालका कार्य गर्न पाइदैन ।’
ण्ण्ण्
प्रेमलाल महर्जन, उपभोक्तावादी
तत्काल आन्दोलन फिर्ता हुनुपर्छ
अस्पताल भनेको डा। गोविन्द केसी र सरकारभन्दा बाहिर रहेर विरामीहरुलाई स्वास्थ्य सेवा उपलब्ध गर्ने संस्था भएको उपभोक्तावादी प्रेमलाल महर्जन बताउँछन् । सरकारी अस्पताल नै बन्द गरेर आन्दोलनमा उत्रिनु सर्वथा सरासर गलत र कानूनभन्दा बाहिर रहेर कसैलाई काम गर्न छुट नभएको उनको बुझाइ छ ।
भन्छन्, ‘सार्वजनिक संस्थामा न सरकारको न डा। गोविन्द केसीको राज चल्छ सिर्फ चल्छ छ बिरामीहरुलाई स्वास्थ्य सेवा उपलब्त्र गर्ने मात्र । तर, अहिले त्यहिँ सार्वजनिक संस्थाका कर्मचारीहरु डा। गोविन्द केसीको मागको समर्थन गर्दै सरकारी अस्पताल नै ठप्प बनाएर आन्दोलनमा उत्रिएका छन् । यो भन्दा गैरकानूनी काम नै के हुन सक्ला र १’
उनी भन्छन्, ‘जब कि गोविन्द केसी र सरकारबीच देखिएको वर्तमान द्वन्द्वमा बिरामीहरुलाई मार्न पाइदैन । यसका लागि कि सरकारी अस्पतालले वैकल्पिक स्वास्थ्य व्यवस्था गरिदिनुपर्छ । यसरी गोविन्द केसीको माग र आन्दोलनको रुप अर्कातिर छ । त्यससँग सम्बन्धित नै छैन । अहिले सरकारी चिकित्सकले गरेका कार्यहरु सर्वथा गलत छ तत्काल यो आन्दोलन फिर्ता लिएर बिरामीहरुको सेवामा उपचार सेवामा खट्न जरुरीछ । डा। गोविन्द केसीको माग जायज भएको खण्डमा अस्पताल नै बन्द गरेर यस्ता खालका काम गर्न पाइदैन । तत्काल अस्पताल सूचारु हुनुपर्छ ।’