गायिका मन्जु पौडेल र सन्तु थापाको तीज गीतमा नायिका निता ढुंगाना र दिपेन्द्र घिमिरेको रोमान्स
गायिका मन्जु पौडेल र सन्तु थापाको स्वरमा रहेको तीज गीत ‘छम्म छम्म’ बोलको तीज गीतको भिडियो सार्वजनिक भएको छ ।
गीतमा शिव हमालको शब्द तथा पवित्रा सर्तुङ्गे मगरको संगीत, आशिष अविरलको एरेन्ज रहेको छ ।
नायिका निता ढुंगाना र दिपेन्द्र घिमिरेको अभिनय रहेको उक्त गीतको भिडियोलाई प्रकाश भट्टले निर्देशन गरेका हुन् ।
भिडियोमा राजेश घिमिरेको छायांकन र बिष्णु शर्माको सम्पादन रहेको छ ।
गीत तथा भिडियोलाई बिएमएस फिल्म्सले बजारमा ल्याएको हो ।
आधुनिक गीतको भिडियोमा मोडलिङको अनुभव लिइसकेका दिपेन्द्र पत्रकार तथा उद्घोषक पनि हुन् ।
उनले तीज गीतमा भने पहिले चोटि मोडलिङ गरेको बताए ।
‘आधुनिक र लोकगीतमा पहिला पनि काम गरेको थिएँ ।
तर तीज गीतमा पहिलो चोटि हो ।
गाह्रो होला कि जस्तो लागेको थियो तर गायिका मञ्जु पौडेल र नीताको सहयोगका कारण सजिलो भयो,’ दिपेन्द्रले भने ।
नीताले पनि दिपेन्द्रको काम प्रोफेसनल मोडलभन्दा कम नरहेको बताइन् ।
‘उहाँलाई मैले पत्रकारको रुपमा मात्र चिनेको थिएँ तर राम्रो नृत्य पनि गर्नुहुँदो रहेछ। कलाकारितामा पनि उहाँको भविष्य राम्रो छ,’ नीताले भनिन् ।
