यी हुन् विश्वकपको फाइनल खेलाउने अर्जेन्टिनाका रेफ्री नेस्टर पिटाना, यस्ता छन यीनको गोप्य कुरा

 

रुस विश्वकप २०१८ को फाइनल खेल अर्जेन्टिनाका रेफ्री नेस्टर पिटानाले खेलाउने भएका छन् । सन् २००६ को विश्वकपको फाइनल अर्जेन्टिनाका रेफ्री हेक्टर एलिजोन्डोको नियन्त्रणमा खेलेको फ्रान्सले यो विश्वकपमा पनि अर्जेन्टिनाका रेफ्रीबाट फाइनल खेल्ने भएको हो ।

 

आइतबार हुने फ्रान्स र क्रोएसियाबीचको खेलका लागि फिफाले अर्जेन्टाइन रेफ्री नेस्टर पिटानालाई चयन गरेको हो । ४३ वर्षीय यी रेफ्रीले यो विश्वकपको पहिलो खेल रसिया र साउदी अरेबियाको बीचमा खेल गराएका थिए । साथै उनले उरुग्वे र फ्रान्सबीचको क्वार्टरफाइनल खेल गराएका थिए भने क्रोएसिया र डेनमार्कबीचको खेल पनि खेलाएका थिए ।

 

आइतबारको खेलमा पिटानाका साथै एसिस्टेन्ट रेफ्रीहरु हर्नान मेइडाना र जुआन बेलेट्टीका साथै चौथो अधिकारीको रुपमा ब्जोर्न क्वीपर्स पनि रहेछन् ।

 

आइतबारको खेलमा सेमिफाइनलमा बेल्जियमलाई पराजित गरेको फ्रान्स र इंगल्याण्डलाई पराजित गरेको क्रोएसियाको बीचमा खेल हुन लागेको हो ।

 

फ्रान्सको लागि महत्वपूर्ण उपाधि हासिल गर्ने क्रममा अर्जेन्टिनाका रेफ्रीहरु निर्णयक हुने गरेका छन् । सन् २००६ मा भएको फाइनलमा फ्रान्स इटालीसँग हारेको थियो । यो खेलमा रेफ्री एलिजोन्डोले फ्रान्सका कप्तान जिनेदिन जिदानलाई रातो दिँदै मैदानबाहिर पठाएका थिए । फ्रान्सका समर्थकहरुले सो निर्णयको विरोध गरेका थिए ।

 

आइतबारको खेलमा फ्रान्ससँग दोस्रोपटक विश्वकपको उपाधि हासिल गर्ने लक्ष्य रहँदा पहिलोपटक विश्वकपको फाइनलमा पुगेको क्रोएसिया फ्रान्सलाई रोक्ने चुनौती हुनेछ । (एजेन्सी)

प्रकाशित मिति : २९ असार २०७५, शुक्रबार  ११ : ३०  बजे