थाइल्याण्डमा गुफामा फसेका बालकलाई बाहिर निकाल्न उद्धार टोली गुफामा पुग्यो, फसेकाले भने अब बाँच्ने भइयो
थाइल्याण्डको एक गुफामा फसेका १२ बालक र उनीहरुका फुटबल प्रशिक्षकको उद्धार अभियान सुरु भएको छ । उद्धार टोली आइतबार पौने ९ बजे गुफामा प्रवेश गरेको टोलीका प्रमुख नारोङ्गसाक ओसोटानाकोर्नले बताए ।
उद्धारका लागि आवश्यक नरहेका कर्मचारी गुफाको प्रवेश द्धार वरपरबाट हटाइएका छन् । गुफा क्षेत्रमा गोताखोर, स्वास्थ्य टिम र सुरक्षाकर्मी रहेका छन् ।
उद्धार अभियानमा १३ जना विदेशी तथा पाँचजना थाइ नौसेनका सैनिक जुटेका छन् । उद्धारका लागि जुटेको टोलीले गुफाबाट चाँडोमा आइतबार बेलुका पौने ८ बजे एक बालकलाई बाहिर निकाल्ने अनुमान छ । सबैलाई उद्धार गर्न धेरै दिन लाग्ने सरकारी अधिकारीले बताएका छन् ।
गएको जुन २३ मा फुटबलको प्रशिक्षण सकेर गुफामा गएका १२ बालक र उनीहरुका प्रशिक्षक त्यहिँ फसेका छन् । १२ बालक र उनीहरुका फुटबल प्रशिक्षक गएको जुन २३ मा प्रशिक्षण सकेर गुफा हेर्न गएका थिए ।
