क्वार्टफाइनलका आठ टोलीहरुः यस्तो छ इतिहास, कस्ले र्माला बाजी
रुस विश्वकपको क्वार्टरफाइनल समीकरण पूरा भएको छ । आठ टोलीहरुको बीचमा शुक्रबार र शनिबार प्रतिस्पर्धा हुनेछ । यो विश्वकपमा अनुमान गरिएभन्दा फरक किसिमका केही नतिजाहरु हासिल भएका छन् ।
जसको कारण केही आशा गरिएका टोलीहरु बाहिरिएका छन् भने असोचेका टोलीहरुले राम्रो प्रदर्शन गरिरहेका छन् । क्वार्टरफाइनलमा पुग्ने टोलीहरुले केही इतिहास पनि कायम गरेका छन् ।
यो विश्वकपमा क्वार्टरफाइनलमा पुग्ने पहिलो टोली फ्रान्स हो । यो टोली अर्जेन्टिनालाई पराजित गर्दै क्वार्टरफाइनलमा प्रवेश गरेको हो । सन् १९९८ को विश्वविजेता टोली सन् २००२ मा भने सहुहचरणबाट बाहिरिएको थियो ।
सन् २००६ मा यसले पुनः उपविजेत बनेको टोलीले सन् २०१० मा भएको विश्वकपमा पनि समुह चरणबाटै बिदा लिएको थियो ।
चार वर्षअघि भएको विश्वकपमा भने यो टोली क्वार्टफाइनलमा जर्मनीसँग पराजित भएको थियो । क्वार्टरफाइनलमा पुगेको उरुग्वेको लागि पनि यो विश्वकप निकै फलदायी देखिएको छ । सन् १९९८ मा विश्वकपमा छनोट नै नभएको यो टोली सन् २००२ मा छनोट भए पनि पहिलो चरणबाटै बाहिरिएको थियो ।
सन् २००६ मा पुनः छनोट हुन असफल भएको थियो । सन् २०१० को विश्वकपमा भने यो टोली सेमिफाइनलमा पुगेको थियो । सन् २०१४ मा ब्राजिलमा भएको विश्वकपमा अन्तिम १६ को खेलबाट बाहिरिएको टोली यसपटक भने क्वार्टरफाइनलमा पुगेको हो । उसको लागि सन् २०१० यताको यो सबैभन्दा ठुलो उपलब्धि हो ।
घरेलु टोली रसियाको लागि भने यो विश्वकप अविस्मरणीय रहन पुग्यो । स्पेनजस्तो टोलीलाई पाखा लगाएको यो टोलीको अहिलेसम्मको सबैभन्दा ठुलो उपलब्धि सेमिफाइनलसम्म पुग्नु रहेको छ ।
पछिल्लो पाँच विश्वकपको कुरा गर्ने हो भने यो टोलीले केवल दुई विश्वकपमा सहभागिता जनाएको थियो र ती दुवैमा समुहचरणबाट बाहिरिएको थियो । सन् २००२ र २०१४ को विश्वकपमा यो टोली सहभागी भएको थियो ।
रुस विश्वकपलाई स्मरणीय बनाउने अर्को टोली क्रोएसिया हो । यो टोलीले पनि रुसको भूमिका निकै महत्वपूर्ण सफलता पाएको छ । यो टोलीले सन् १९९८ मा पहिलोपटक क्रोएसियाको नामबाट खेलेको थियो । जुन प्रतियोगितामा यो टोली सेमिफाइनलमा पुगेको थियो ।
सन् २०१० को विश्वकपमा छनोट हुन नसकेको यो टोलीले त्यसयता लगातार विश्वकपमा सहभागिता जनाउँदै आएकोमा सबै प्रतियोगितामा समुहचरणबाटै घर फर्किएको थियो ।
यसपटक भने क्वार्टरफाइनल पुग्दै उसले २० वर्षपछि महत्वपूर्ण सफलता हासिल गरेको हो । ब्राजिल विश्वकप फुटबलमा सबैभन्दा सफल टोली हो ।
यो टोली सन् १९९० को विश्वकपयता कम्तीमा क्वार्टरफाइनलमा पुग्दै आएको छ । सन् १९९८ मा उपविजेतामा चित्त बुझाएको यो टोलीले सन् २००२ को विश्वकप जितेको थियो भने सन् २००६ र २०१० मा क्वाचर्टरफाइनलबाट बाहिरिएको यो टोली चार वर्षअघि आफ्नै घरमा भएको विश्वकपमा जर्मनीसँग सेमिफाइनलमा फराकिलो अन्तरले पराजित भएको थियो ।
बेल्जियमको लागि पनि रुस विश्वकप केही खास रहन पुग्यो । एकपटक सेमिफाइनलसम्म पुगेको यो टोली सन् १९९८ को विश्वकपमा समुहचरणबाटै बाहिरिएको थियो भने त्यसको चार वर्षपछि भएको विश्वकपमा अन्तिम १६ मा पुगेको थियो । त्यसपछिका दुई विश्वकपमा छनोट हुन नसकेको टोली चार वर्षअघिको विश्वकपमा क्वार्टरफाइनलमा पुगेको थियो ।
चारपटक विश्वकपको सेमिफाइनलमा पुगेको स्विडेनको लागि पनि यो विश्वकप केही महत्वपूर्ण रहनपुग्यो । यो टोली सन् १९९४ यता पहिलोपटक विश्वकपको क्वार्टरफाइनलमा पुगेको हो । सन् १९९८ को विश्वकपमा छनोट हुन नसकेको यो टोली सन् २००२ र २००६ को विश्वकपमा अन्तिम १६ सम्म पुगेको थियो ।
त्यसयता पहिलो पटक रुस विश्वकपमा यो टोलीका लागि ढोका खुला भएको हो । एकपटक विश्वकपको उपाधि जितिसकेको इंगल्याण्डका लागि पनि यो विश्वकप केही महत्वपूर्ण बन्न पुग्यो । सन् २००६ यता यो टोली पहिलोपटक क्वार्टरफाइनलमा पुगेको हो ।
सन् १९९८ मा अन्तिम १६ बाट बाहिरिएको टोलीले सन् २००२ र २००६ मा क्वार्टरफाइनलसम्मको यात्रा तय गरेको थियो । सन् सन् २०१० मा अन्तिम १६ मा पुगेको यो टोली सन् २०१४ मा भने समुहचरणबाटै बाहिरिएको थियो ।
