गायक राजु दंगालको सांगीतिक संघर्ष र यात्रा यस्तो छ।
झापाली युवा गायक राजु दंगालका गीतले सांगीतिक बजारमा चर्चा पाइरहेका छन् ।
उनले गाएका गीतहरु धेरै क्याम्पसे ठिटा ठिटीहरुका मुखमा गुञ्जिने मात्र हैन मोबाइलको रिङ ब्याक टोन मार्फत अरु धेरै फोनकर्ताले पनि सुन्दै आएका छन् ।
उनि प्रबेशिका परीक्षा दिएपछि फूसर्दिला बनेपछि संगीततिर ढल्किएको बताउँछन् । यही क्रममा उनले कैयौं दिनसम्म कोठाको ढोका थुनेर गायनको अभयास समेत गरे ।
’ त्यसपछि आत्मबिश्वास संगालेर स्टेजमा निस्किएको हुँ’ –राजुले सुनाए – ‘स्टेजमा श्रोता र दर्शकले दिएको ताली र वाहवाहीले मलाई यो क्षेत्रमा डेगिलो बन्न प्रेरणा मिल्यो ।’
उनले हजारौं दर्शक जम्मा हुने उनकै घर छिमेकको माइमेला, पथरी र बिराटनगरका स्टेजमा अग्रज कलाकारका गीतमा स्वर दिएपछि उनी साँच्चिकै श्रोताले रुचाइएका गायकमा दरिए ।
दंगालका छिमेकी सञ्चारकर्मी बिनोद सापकोटाका अनुसार गीतार र हारमुनियम जस्ता बाजामा सानैदेखि रमाउने राजुले गायक र संगीतकार बन्ने लक्षण बालकालमै देखाएका थिए ।
डेढ बर्षभित्र सातवटा गीत तयार गरें’ लामो कपाल मिलाउदै राजुले भने – ‘गीत तयार गरेपछि एल्बम निकाल्ने कुराको निधो गरेको हुँ ।’
ती गीतहरुमा संगीत राजुले आफैं भरे । एल्बमको नाम राखे ‘मी एलोन फर यू’ अर्थात् तिम्रो लागि म एक्लै । एल्बमको नामले नै तन्नेरी तरुनीहरु तानिएकोले उनका फ्यानहरु प्रशश्तै निस्किए ।
गायक राजुले आफनो एल्बमको हालै भिडियो पनि सार्वजनिक गरेका छन् ।
सुटिङका लागि उनले काठमाडौं भक्तपुर रोजेका छन् ।
पहिलो दोस्रो एल्बमको मज्जाको प्रतिक्रियाबाट हौसिएका राजुले तेस्रो एलबमको तयारी गरिरहेका छन् । किशोर किशोरी केन्द्रित तीनवटा गीत तयारी गरिसकेको उनले बताए ।
स्नातक दोस्रो बर्ष पढ्दै गरेका सतासीधाम ७ का राजु दंगाल सांगितिक बजारमा आफ्नो वेग्लै परिचय बनाउन सफल बनुन् मज्जाको अनलाईनको तर्फबाटसफलताको शुभकामना ।
