२ दिनदेखि परेको पानीले छक्का पन्जा ३ यूनिट लाई तनाव, यस्तो छ कारण
२ दिनदेखि परेको पानीले छक्का पन्जा ३ यूनिट लाई तनाव दिएको छ । कारण, यो सिनेमाको एउटा गीतको छायांकन काठमाण्डौको गोकर्ण रिसोर्टमा सुरु त गरियो । तर, निरन्तर पानी पर्दा समस्या उत्पन्न भएको हो ।
पानीका कारण सिनेमाको गीतको छायांकन अधुरै रहन पुगेको निर्माता दीपकराज गिरीले बताएका छन् । निरन्तर पानी परेपछि छायांकन स्थगित गरिएको निर्देशक दीपाश्री निरौलाले जानकारी दिइन् ।
छायांकन भैरहेको गीतमा स्वस्तिमा खड्का, बर्षा राउत, प्रियंका कार्की, केदार घिमिरे, जितु नेपाल, दीपकराज गिरी, दीपिका प्रसाई लगायत सबै कलाकारले अभिनय गर्ने तयारी गरेका थिए ।
तर, गीतको छायांकन अब करिब एक साता पछि सार्ने योजना दीपक र दीपाको छ । दशैको फूलपातिबाट रिलिज हुने गीत चाडै नै प्रचारका लागि बजारमा ल्याउने तयारी गरिएको थियो ।
