मेक्सिकोको राष्ट्रपतिमा वामपन्थी नेता आन्द्रेस विजयी
मेक्सिकोको राष्ट्रपतिमा वामपन्थी उम्मेदवार आन्द्रेस म्यानुएल लोपेज ओब्राडोर विजयी भएका छन् । मेक्सिकोमा आइतबार भएको राष्ट्रपति चुनावमा वामपन्थी उम्मेवार विजयी भएका हुन् ।
राष्ट्रपतिमा विजयी भउको आन्द्रेसले देशमा आधारभूत परिवर्तन आउने बताएकाछन् । राजधानी मेक्सिको सिटीका पूर्व मेयर आन्द्रेसलाई उनका समर्थकले ‘एमलो’ नामले बोलाउने गरेका छन् ।
उनले भ्रमष्टाचार विरुद्ध लड्ने भन्दै चुनावी अभियान चलाएका थिए । भ्रष्टाचारले देशका सामाजिक असमानता र देशमा हिंसा फैलिएको उनले बताउने गरेका छन् । यस्तै उनले जेष्ठनागरिकको पेनसन दोब्बर गर्ने प्रस्ताव पनि गरेका छन् ।
यस्तै अमेरिकासँगको सम्बन्ध मैत्रीपूर्ण बनाउनु पर्नेमा पनि उनले जोड दिएका छन् । सन् १९५३ को नोभेम्बर १३ मा जन्मिएका आन्द्रेसले नेशनल एक्सन पार्टीका रिकार्डो एनाया पराजित गरेका हुन् ।
यस्तै जोसे एन्टोनियो मेएडी पनि चुनावमा उम्मेदवार थिए । आन्द्रेसले ५३ प्रतिशत तथा रिकार्डोले २२ प्रतिशत मत पाएका छन् ।
