यी हुन् फुटबलमा सर्वाधिक कमाई गर्ने विश्वका १० क्लब,मेस्सीको चमत्कारले अरुले यसरी खाए फ्लप
स्पेनिस क्लब बार्सिलोनाले व्यवसायिक प्रायोजनबाट धेरै आम्दानी गर्ने गरेको देखिएको छ । फोर्ब्सले सार्वजनीक गरेको पछिल्लो रिपोर्ट अनुसार बार्सिलोनाले स्पेनिस प्रतिद्वन्दी रियल मड्रिड र प्रिमियर लिग क्लब म्यान्चेष्टर युनाईटेड भन्दा बढि आम्दानी गर्ने देखाएको छ ।
बार्सिलोनाले खेल सामाग्री उत्पादक कम्पनी नाइक लगायतका प्रायोजकबाट बार्षिक १ सय ८७ मिलियन पाउण्ड आम्दानी गरेको देखिएको हो । बार्सिलोनाले प्रिमियर लिग क्लब म्यान यु भन्दा ३५ मिलियन पाउण्ड र स्पेनिय जायन्ट रियल मड्रिड भन्दा ३७ मिलियन पाउण्ड आम्दानी गरेको हो ।
बार्सिलोनाको गत बर्ष भन्दा प्रायोजन रकममा समेत वृद्धि भएको छ । अन्य क्लबहरुको आम्दानी घट्दा बार्सिलोनाले गत बर्ष भन्दा १५ मिलियन पाउण्ड बढी आम्दानी गरेको छ । जबकी म्यान युको १२ मिलियन पाउण्ड र मड्रिडको १६ मिलियन पाउण्ड आम्दानी घटेको छ ।
बार्साले गर्ने आम्दानीमा ८८ मिलियन पाउण्ड नाईकेले बार्षिक रुपमा उपलब्ध गराउने गर्दछ । फोब्र्सको शीर्ष १० सुचिमा स्पेनिस जायन्ट रियल र बार्साले स्थान बनाएकमा छन् । जसमा सर्वाधिक प्रिमियर लिगका ६ क्लब छन् । दोस्रो स्थानको म्यान युले १ सय ५३ मिलियन पाउण्ड आम्दानी गर्ने देखिएको छ ।
त्यस्तै चौथो स्थानको चेल्सीले १ सय २ मिलियन पाउण्ड, सातौ नम्बरको आर्सनलले ७१ मिलियन पाउण्ड, आठौ नम्बरको लिभरपुलको ७० मिलियन पाउण्ड, नवौ नम्बरको टोट्नह्यामको ६१ मिलियन पाउण्ड र दशौ नम्बरको म्यान सिटीको ५९ मिलियन पाउण्ड आम्दानी प्रायोजनबाट हुने देखिएको छ ।
पाँचौ नम्बरको बार्यन म्युनिखको ९१ मिलियन पाउण्ड र छैटौ नम्बरको पीएसजीको ७६ मिलियन पाउण्ड प्रायोजनबाट आम्दानी हुने फोब्र्सले जनाएको छ ।
