ब्राजिल र कोस्टारिका भिड्दै, ब्राजिललाई जित्नैपर्ने दबाब



विश्वकप फुटबलअन्तर्गत समूहगत चरणको आफ्नो दोस्रो खेलमा अहिले सर्वाधिक उपाधि विजेता ब्राजिलले नाइजेरियासँग खेलिरहेको छ।

समूह ‘डी’ अन्तर्गत अघिल्लो चरण पुग्ने सम्भावनालाई बलियो बनाउन ब्राजिललाई यो खेल जित्नैपर्ने दबाब छ। उसले पहिलो खेलमा स्विजरल्यान्डसँग १-१ गोलको बराबरी खेलेको थियो।

एक खेलपछि सर्बिया तीन अंकसहित शीर्षस्थानमा छ। स्विजरल्यान्ड र ब्राजिलको एक-एक अंक छ। कोस्टारिकाले भने अंक जोड्न सकेको छैन। पहिलो खेलमा सर्बियाले कोस्टारिकालाई १-० गोलले हराएको थियो।

ब्राजिल पछिल्ला १२ खेलयता अपराजित छ। उसले पछिल्ला २२ खेलमा केवल एउटामा मात्र हार व्यहोरेको छ।  कोस्टारिका अघिल्लो विश्वकपमा क्वाटरफाइनलसम्म पुगेको थियो। तर उसको पछिल्लो प्रदर्शन खराब देखिएको छ।

कोस्टारिकाले तीन खेलयता लगातार हार ब्यहोरेको छ। उसले पछिल्ला ११ खेलमा सात हार, दुई जित र दुई बराबरीको नतिजा निकालेको छ। कोस्टारिकासँग अनुभवी गोलरक्षक छन्। रियल म्याड्रिडका पहिलो रोजाइका गोलरक्षक केलर नाभास  कोस्टारिकाका आकर्षण हुन्।

ब्राजिल र कोस्टारिकाबीच हालसम्म १० पटक प्रतिस्पर्धा भएको छ जसमा ब्राजिलले ९ जित र एक हारको नतिजा निकालेको छ। अन्तिमपटक सन् २०१५ मा मैत्रीपूर्ण खेलमा प्रतिस्पर्धा भएकामा ब्राजिल १-० गोलले विजयी भएको थियो। ब्राजिल सन् १९६६ यता विश्वकपमा पहिलो चरणबाटै बाहिरिएको छैन।

प्रतिक्रिया दिनुहोस
शर्मिला वाइबालाई चार दिन हिरासतमा राख्न अनुमति

    आफूलाई अभियन्ता बताउँदै व्यक्तिगत विषयहरुमा सामाजिक सञ्जालमार्फत टिप्पणी गर्ने शर्मिला वाइबालाई

सरकारको आफ्नै काम कारबाहीप्रति प्रधानमन्त्रीको असन्तुष्टि

    अर्थमन्त्री डा.प्रकाशशरण महतसँगको खटपटको चर्चाबीच प्रधानमन्त्री पुष्पकमल दाहाल प्रचण्डले आफैँले किटान

दूधको भुक्तानी दे, किसान मार्न पाइँदैन भन्दै कृषिमन्त्रीको राजीनामा माग

    किसानहरूले लुम्बिनी प्रदेशका विभिन्न जिल्लामा कृषिमन्त्रीको राजीनामा मागसहित चक्काजाम गरेका छन्

परिस्थिति जटिल र चुनौतीपूर्ण छ : प्रधानमन्त्री प्रचण्ड

  प्रधानमन्त्री पुष्पकमल दाहाल प्रचण्डले आफू नेतृत्वको सरकारले लक्ष्य अनुसार परिणाम दिन नसकेको