खेलको पाँच मिनेटमै जापानले हान्यो पहिलो गोल
विश्वकप २०१८ अर्न्तगत जापानले खेलको पाँच मिनेटमै पहिलो गोल गरेको छ ।
कोलम्बिया जर्सी नम्बर ६ का खेलाडी सी सान्चेजले डि एरियाभित्र बल हातले छेकेपछि उनलार्इ रेड कार्ड दिइएको हो ।
जापानले पाएको फ्रि किकलार्इ भरपुर उपयोग गर्दै जर्सी नम्बर १० का खेलाडी सिन्जी कागवाले पहिलो गोल गरेका हुन् ।
चार वर्षपछि मंगलबार कोलम्बियाले विश्वकपको नयाँ यात्रा सुरु गर्दैछ । समूह एच मा रहेको कोलम्बियाले आफ्नो पहिलो खेलमा मंगलबार बेलुका पौने ६ बजे एसियाली देश जापानसँग प्रतिस्पर्धा गर्नेछ ।
अघिल्लो विश्वकपका सर्वाधिक गोलकर्ता रोड्रिग्वेज अहिले मसलमा समस्या भएका कारण रेखदेखमा छन् । उनी जापानसँगको खेलमा मैदानमा हुने नहुने खुलेको छैन ।
कोलम्बियाका लेफ्ट ब्याक फ्रान्को फाब्रा घुँडाको चोटका कारण विश्वकपमा हुने छैनन् । तर चार वर्षअघिको विश्वकपमा चोटका कारण खेल्न नपाएका राडामेल फाल्काओ यसपटक कोलम्बियाको टिममा छन् ।
एसियाली पावर हाउसको रुपमा रहेको जापानका फरवाडर शिन्जी ओकाजाकी पनि चोटका कारण अहिले रेखदेखमा छन् । उनी कोलम्बियासँगको खेलमा मैदानमा हुने सम्भावना कम छ ।
कोलम्बिया र जापानबिच यसअघि तीनपटक भेट भएको छ । विगत कोलम्बियाको पक्षमा छ, उसले दुई खेल जितेको छ भने एक खेलमा बराबरी भएको छ ।
यी दुई टोलीबिच भएको पछिल्लो भेट भनेको सन् २०१४ को विश्वकपको समूह चरणमा हो । त्यसबेला कोलम्बियाले ४–१ को जित निकालेको थियो ।
