मेक्सिकोले हान्यो पहिलो गोल, खेल १–० मा जारी, च्याम्पियन जर्मनी हार्ने संभावना
विश्वकप फुटबल २०१८ अन्तर्गत आइतबार जारी दोस्रो खेलमा मेक्सिकोले अग्रता लिएको छ । खेलको ३५ औं मिनेटमा पहिलो गोल गर्दै लोजानोले गोल गर्दा मेक्सिकोले १–० को अग्रता लिएको छ ।
दुवै टोलीबीचको जारी खेल निक्कै नै आक्रमक छ । डिफेन्डिङ च्याम्पियन जर्मनीलाई मेक्सिकोले कडा टक्कर दिइरहेको छ ।
जर्मनीविरुद्ध ११ खेलमा मेक्सिको एक खेलमा मात्रै विजयी
विश्वकप फुटबल प्रतियोगिता अन्तर्गत आइतबारको दोस्रो खेलमा जर्मनी र मेक्सिको भिड्दैछन् ।
समुह एफ मा रहेका यी दुई टोलीबीचको खेल नेपाली समय अनुसार बेलुकी पौने ९ बजे सुरु हुनेछ । खेल मोस्कोस्थित लुज्निकी रंगशालामा हुनेछ ।
४ पटकको विश्वकप विजेता जर्मनी समुह चरणको पहिलो खेलमा जित हात पार्दै सुखद सुरुवात गर्ने दाउमा रहदा २ पटक विश्वकपको क्वाटरफाइनलसम्मको अनुभव बटुलेको मेक्सिको उसलाई रोक्ने रणनीतिमा हुनेछ ।
अहिलेसम्म जर्मनीविरुद्ध ११ खेल खेलेको मेक्सिको जम्मा एक खेलमा मात्रै विजयी भएको छ भने ४ खेलमा बराबरी बराबरी खेलेको छ । जर्मनीले भने ६ खेल जितेको छ ।
