यसरी जोगियो यति एयरलाइन्सको विमान ठूलो दुर्घटनाबाट, ३० जना यात्रु सहित चालक दल सकुशल
काठमाण्डौबाट ३० जना यात्रु लिएर पोखरा आएको यति एयरलाइन्सको एजयू ६८१ कलसाईनको विमान पोखरा विमानस्थलमा अवतरण गर्ने क्रममा ठूलो दुर्घटनावाट जोगिएको छ।
आईतवार दिउसो २:४५ बजे विमान अवतरणको क्रममा हाईड्रोलिक फेल भएर रनवे भन्दा १५ मिटर पर घाँसे मैदानमा जोतिन पुगेको थियो।
पोखरा विमानस्थल प्राधिकरणका सूचना अधिकारी काशीनाथ पौडेलका अनुसार अनुसार जहाजमा यात्रा गर्ने सवै यात्रु सकुशल छन्।
विमानले रनवेलाई डिष्ट्रव नगरेको कारण उडान अवतरणमा समस्या नभएको उनले बताए।
यद्यपी मौसमका कारणले भने अहिले विमानस्थलवाट उडान र अवतरण भएको छैन।
काठमाण्डौबाट इन्जिनियरहरुको टोली आजै आएर विमानको मर्मत गरिने बताइएको छ।
