फ्रान्सले अष्ट्रेलियालाई २–१ गोलले पराजित, फ्रान्सविरुद्ध अष्ट्रेलियाले पहिलो हाफमा सानदार खेल प्रदर्शन
रसियामा जारी २१ औ संस्करण विश्वकप २०१८ मा फ्रान्सले अष्ट्रेलियालाई २–१ गोलले पराजित गरेको छ ।
पहिलो हाफमा बराबरी खेलेको फ्रान्सले दोस्रो हाफको ५८ औं मिनेटमा एन्टोनिया ग्रिजम्यानले पेनाल्टीमार्फत गोल गर्दै फ्रान्सलाई अग्रता दिलाएका थिए ।
त्यस्तै खेलको ६२ औं मिनेटमा नै अष्ट्रेलियाले पेनाल्टी पायो । अस्ट्रेलियाको लागि माइल जेडिनाकले पेनाल्टीमार्फत गोल गर्दै बराबरी बनाए ।
विश्वकपको दाबेदार मानिएको फ्रान्सलाई खेलको ८१ औं मिनेटमा राहत मिल्यो र पउल पोग्वाले दोस्रो गोल गरे ।
फ्रान्सविरुद्ध अष्ट्रेलियाले पहिलो हाफमा सानदार खेल प्रदर्शन गरेको थियो । तर, दोस्रो हाफमा फ्रान्सले आक्रामक खेल तापनि अष्ट्रेलियानले खेलमा फर्कन हरसम्भव प्रयास गरेको थियो ।
