राजीव गान्धीको हत्या शैलीमा मोदीको हत्याको प्रयास, माओवादीले बनाएको थियो योजना, पाँच आरोपी पक्राउ



एजेन्सी। भारतका पूर्व प्रधानमन्त्री राजीव गान्धीको हत्या गरिएको शैलीमा हालका प्रधानमन्त्री नरेन्द्र मोदीको समेत हत्याको योजना बनाइएको खुलासा भएको छ ।

यो योजना माओवादीले बनाएको पनि खुलेको छ । पुणे पुलिसले शुक्रबार कोरेगांव हिंसा घटनामा सम्बन्धित पाँच आरोपीलाई पक्राउ गरेपछि योजनाको खुलासा भएको हो ।

पक्राउ परेकाहरु प्रतिबन्धित भारतीय कम्युनिष्ट पार्टी (माओवादी)का कार्यकर्ता भएको बताइएको छ । नेपालमा माओवादी मुलधारको राजनीतिमा आइसकेको भएपनि भारतमा भने माओवादी पार्टी अझै पनि विद्रोही नै छ र यहाँ माओवादीमाथि प्रतिबन्ध लगाइएको छ ।

पुलिसले पक्राउ परेकामध्ये एकको घरबाट एक पत्र बरामद गरेको छ । पत्रमा माओवादीले ‘एक अर्को राजीव गान्धी हत्याकाण्ड’को योजना बनाइरहेको उल्लेख छ ।

सरकारी पक्षले अदालतमा बताएअनुसार दिल्लीमा रोना विल्सनको घरमा भेटिएको उक्त चिठीमा एम–४ राइफल र गोली किन्नको लागि आठ करोड रुपैयाँ आवश्यक भएको उल्लेख गरिएको छ ।

चिठीमा मोदीको लहरको फाइदा उठाउँदै बीजेपी १५ भन्दा बढी राज्यमा आफ्नो सरकार बनाउन सफल रहेको भन्दै मोदीको हत्याको लागि कडा कदम उठाउनुपर्ने उल्लेख छ ।

मोदीको हत्या राजीव गान्धी हत्याकाण्डजस्तै गरी गर्दा झट्ट हेर्दा यो आत्महत्या वा दुर्घटनाजस्तो देखिने भएकोले मोदीको रोड शो लाई लक्ष्य बनाउन सकिने उल्लेख छ । अनलाईन समाचार सेवाबाट

 

 

प्रतिक्रिया दिनुहोस
भाइरल शर्मिला वाइबा पक्राउ

  कलाकार पवन खतिवडा ‘म्याकुरी’माथि कुटपिट गरेको आरोपमा प्रहरीले शर्मिला वाइबालाई पक्राउ गरेको

प्रचण्डले परिवारबाहेक अरुलाई स्थान छैन भन्ने सन्देश दिए : जनार्दन

    नेकपा (माओवादी केन्द्रं) का उपमहासचिव जनार्दन शर्माले लिखित असहमति राख्दै पार्टीभित्र

राजेन्द्र महतोको राष्ट्रिय मुक्ति क्रान्ति अभियान

    राष्ट्रिय मुक्ति क्रान्ति अभियान’ का अगुवा नेता राजेन्द्र महतो दलबलसहित माइतीघरको

एमाले सरकार फेर्ने खेलमा छैन : ओली

  प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीले सरकार फेर्ने