क्याप्टेनको सुटिङमा अनमोललाई चिसोले हैरान
अभिनेता अनमोल केसी क्याप्टेन फिल्मका लागि मिहिनेत गरिरहेका छन् । यो फिल्मको छायांकन फरक फरक लोकेशनमा भैरहेको छ । यसैले पनि अनमोल कहिले यता त कहिले उता दौडिरहेका छन् । फिल्मको एउटा रोमान्टिक गीतको छायांकन मुस्ताङमा गरिएको छ । मुस्ताङमा ५ दिन गीत खिचेर फिल्मको यूनिट काठमाण्डौ फर्किएको छ ।
तर, फिल्मको रोमान्टिक गीतको छायांकन गर्न गएका अभिनेता अनमोल केसीलाई भने चिसोले हैरान बनाएछ । रोमान्टिक लोकेशनमा अनमोल चिसोले कायल भएका छन् । यसैले पनि उनले मुस्ताङको चिसोमा ब्ल्याङ्केटको साहारा भन्दै फोटो पोष्ट गरेका छन् । अनमोल जस्तोसुकै अवस्थामा पनि कानमा हेडफोन भने छाड्दैनन् । अरु बेलामा चिसोले ओइलिएपनि हिरोइनसँग रोमान्टिक हुने बेलामा रोमान्टिक हिरोले बाक्लो ब्ल्याङ्केट त ओडेननन् होला ?
दिवाकर भट्टराइले निर्देशन गरिरहेको यो फिल्ममा उपासना सिंह ठकुरी र प्रियंका एमभी अनमोलको जोडीको रुपमा छन् । अनमोल यो फिल्ममा फुटबल खेलाडीको भूमिकामा देखिदैछन् ।
