अब बर्षाको ‘बिर विक्रम २’ कुर्ने पालो
अभिनेत्री बर्षा सिवाकोटीले फिल्म ‘रानी महल’का लागि ७ महिना कुरेकी थिइन् । फिल्म बन्ने घोषणा हुँदा पनि बर्षा नै हिरोइन थिइन् । फिल्मको कथा मन परेकाले आफूले यति लामो समय कुरेको बर्षाले बताएकी थिइन् । बर्षाको यो पर्खाइ काम लागेन । उनले फिल्मको छायांकन सुरु हुने बेलामा फिल्म नै छाडिन् । अब, बर्षाले अर्को फिल्म कुर्नु पर्ने बेला आएको छ ।
उनले, मिलन चाम्सको निर्देशनमा बन्न लागेको फिल्म ‘बिर विक्रम २’ साइन गरिन् । यो फिल्म जेठबाट सुटिङ हुनुपर्ने हो । तर, मिलन चाम्सले अभिनेता अनमोल केसीलाई लिएर अर्को फिल्म बनाउन लागेपछि ‘विर विक्रम २’को छायांकन सरेको छ । अब, यो फिल्मका लागि बर्षाले महिनौ कुर्नु पर्ने भएको छ ।
फिल्ममा संझौता गरेपछि त्यसलाई कुर्नु पर्ने काम बर्षाको मात्र हो क्यारे । बर्षाले मिलनको फिल्मका लागि धेरै नै अफरलाई पनि टुक्राएकी थिइन् ।
