ओली र प्रचण्डले उपेन्द्र संग गरे दुई बूँदे सम्झौता,ओली सरकारमा यी तीन मन्त्री थपिने
पछिल्ला घटनाक्रमले सत्तारूढ दल नेपाल कम्युनिस्ट पार्टी र संघीय समाजवादी फोरमबीच संघ र प्रदेश २ मा सत्ता साझेदारी हुने भएको छ । केही बेर अघी मात्र फोरम र नेकपा बीच २ बुंदे सम्झौता भए पछी अब फोरम सरकारमा सामेल हुने भएको हो।
प्रधानमन्त्री समेत रहेका नेकपाका अध्यक्ष केपी शर्मा ओली, अर्का अध्यक्ष पुष्पकमल दाहाल (प्रचण्ड) र फोरमका अध्यक्ष उपेन्द्र यादवबीच बालुवाटारमा सहमति भएको हो ।
सत्तारुढ नेकपाले सहमतिका आधारमा संविधान संशोधन गर्ने लिखित सहमति गरेको छ । ‘फोरमलेे आन्दोलनका क्रममा उठाएका माग र मुद्दाहरुका सम्बन्धमा संविधान संशोधनसँग सम्बन्धित विषयहरु देश जनताको पक्षमा आपसी सहमतीका आधारमा संविधान संशोधन गरी सम्बोधन गरिनेछ,’ सहमतिको पहिलो बुँदामा भनिएको छ ।
प्रदेश-२ का मुख्यमन्त्री लालबाबु राउतले भारतीय प्रधानमन्त्री नरेन्द्र मोदीको नेपाल भ्रमणको क्रममा जनकपुरमा दिएको अभिव्यक्तिले चिसिएको नेकपा-फोरमबीचको सम्बन्ध एकाएक सुमधुर बनेको हो।
नेकपासँग फोरमको सम्बन्ध सुध्रिएपछि प्रदेश-२ को सत्ता साझेदार दल राष्ट्रिय जनता पार्टी (राजपा) र फोरमबीचको सम्बन्ध भने बिग्रिएको छ। केन्द्रीय सरकारले संसदमा पेस गरेको नीति तथा कार्यक्रमलाई फोरमले समर्थन गरेपछि फोरम-राजपाबीचको सम्बन्ध बिग्रिएको हो। उपेन्द्रले तीन मन्त्रालय पाउने लगभग पक्का भएको हो।फोरम बाट ओली सरकारमा उपेन्द्र यादव सहित इस्तियाक राई मंत्री बन्ने भएका छन्।उपेन्द्रलाई संचार र राईलाई सहरी विकास मन्त्रालय दिने त्यस्तै स्वास्थ मन्त्रालय पनि फोरमले पाउने भएको हो।
