तिन नम्बर प्रदेशलाई धुलोमुक्त बनाउने मन्त्री केशव स्थापितको यस्तो छ योजना, काठमाण्डौको सबै सडक छ महिना भित्र कालोपत्रे हुने
प्रदेश ३ लाई धुलोमुक्त बनाउने प्रदेश सरकारका भौतिक पुर्वाधार विकास मन्त्री केशव स्थापितले एक अमेरिकीले कम्पनीसित सम्झौता गर्ने भएका छन् ।
त्यसका लागि सडकलाई धुलौटो बनाएर एग्री विन्ड नामक केमिकल प्रयोग गर्न अमेरिकी कम्पनी स्टेडफास्ट सित सम्झौता हुन लागेको हो ।
आज गोकर्ण रिसोर्टमा उक्त प्रविधिबारे जानकारी दिन प्रदेश मन्त्रालयले जनप्रतिनिधिहरुको भेला बोलाएको थियोे ।
भेलामा एग्री विन्ड केमिकलको नेपाली प्रतिनिधि कम्पनी इकोसेन्टृकका सुनील लोहियाले केमिकल प्रयोगबारे जानकारी गराए ।
उनले दिएको जानकारी अनुसार धुलौटे बाटोलाई ६ इन्च खन्ने, त्यसमा रहेका ढुङ्गा हटाउने र खनिएको ६ इन्चमा माटोलाई पाउडर बनाइ भर्ने, उक्त माटोलाई हल्का पानीले भिजाई एग्री विन्ड केमिकल हाल्नुपर्दछ । घाम चर्को लागेको अवस्थामा केमिकल हालेको दुई घन्टापछि त्यस्तो बाटो प्रयोग गर्न योग्य हुन्छ । बाटो बनाउन रोडा, बालुवा, अलकत्राजस्ता सामानको जरुरत पर्दैन ।
इक्वेडर, पेरु, रोमानिया, कोस्टरिका जस्ता मुलुकमा यही प्रविधिका सडकहरु निर्मित छन् ।
कार्यक्रममा एग्री विन्डका अध्यक्ष रोबर्ट फ्रीजमेनले उक्त केमिकलको प्रयोगबाट कम्तीमा पाँच बर्षसम्म सडकमा कुनै समस्या नआउने भन्दै यदि समस्या आएमा कम्पनीले त्यसको ग्यारेन्टी लिने बताए ।
मन्त्री स्थापितले सार्वजनिक खरिद ऎन संसोधन नभएसम्म तत्कालका लागि स्थानीय निकायले उपभोक्ता समितिको निर्णयका आधारमा काम थाल्न निर्देशन दिए ।
उनले भौतिक निर्माणका लागि ठेकेदारको मुख ताक्नुपर्ने अवस्थाको अन्त्य गर्न प्रदेश सरकारले नै निर्माण कम्पनी स्थापनाको तयारी गरेको पनि सुनाए ।
