अब आइन्दा हड्ताल गर्दिन भनेर सात पुस्ते सहित कागज गरेर यसरी छुटे सिन्डिकेटका ठेकेदार
अत्यावश्यक सेवामा हड्ताल गरेको अभियोगमा पक्राउ परेका यातायात व्यवसायी छुट्न थालेका छन् । अब हडताल नगर्ने शर्तमा पूर्व नेपाल यातायात व्यवसायी संघ र कोशी बस व्यवसायी संघ आबद्ध तीन व्यवसायी रिहा भएका हुन् ।
सरकारले ल्याएको निर्देशिका विरुद्ध सवारी साधन अवरोध गरेर आन्दोलनमा उत्रिएका देशभरबाट करिक ७० भन्दा बढी यातायात व्यवसायी पक्राउ परेका थिए । उनीहरुलाई सकारले आज रिहा गर्न लागेको हो ।
सिन्डिकेटको पक्षमा आन्दोलनका क्रममा पक्राउ परेकाहरुलाई अब नियम कानुन अनुसार नै चल्ने सहमति गरेर रिहा गर्न थालिएको नेपाल प्रहरीका प्रवक्ता मनोज नेउपानेले जानकारी दिए ।
पक्राउ परेकामध्ये ५० जना बिभिन्न ठाउँबाट रिहा भएको प्रवक्ता नेउपानेले जानकारी दिए । तीमध्ये कानुन बमोजिम चल्छु र आइन्दा हडताल गर्दिन भन्नेलाई कागज गराएर रिहा गर्न थालिएको उनले बताए । कागज गर्न नमान्ने व्यवसायीको बारेमा भने अनुसन्धान गर्ने र कानुन अनुसार कारबाही गर्ने प्रहरी प्रवक्ता नेउपानेले बताए ।
