कोइराला भन्छन-गुटबन्दी छोडेर एकजुट हुन जरुरी
सिन्धुपाल्चोक– नेपाली कांग्रेसका केन्द्रीय महामन्त्री शशांक कोइरालाले गुटबन्दी छोडेर एक भई अगाडी बढ्नुपर्ने बताउनुभएको छ । मेलम्ची नगरपालिकाको थकनी ओख्रेनीचौरमा कांग्रेसको प्रशिक्षण कार्यक्रममा उनले कांग्रेसी सबै एक हुनुपर्ने सन्देश दिनुभएको छ ।
‘नमिठो हार व्यहोरिसकेका छौ, अब खारिएर एकमतमा अगाडी लाग्न जरुरी छ ,’उहाले सबैलाई संकेत गर्दै भन्नुभयो । गएको शुक्रवारबाट ओखरेनी चौरको मध्य जंगलक्षेत्रमा गरिएको प्रशिक्षण कार्यक्रमको समापन गर्न पुगेका महामन्त्री कोइरालाले स्थानीयलाई कांग्रेसले गरेको विकासक्रम बारे सम्झाउनुभयो ।
उहाले पीता जीले ल्याउनुभएको समाजवादलाई अन्य देशले अपनाइरहेको र यसलाई मापन गर्नुपर्ने सुनाउनुभयो । आकाशमा उडिरहेको चरा एक भएर हावाको वेग विद्युतलाई छेदन गरेको उदाहरण दिएर उहाको एकताको सन्देश दिनुभयो ।
कांग्रेसका पूर्व सूचना तथा संञ्चारमन्त्री मोहनबहादुर बस्नेतले कांग्रेस सरकारमा नरहेपनि विकास गर्न अगाडी रहेको बताउनुभयो । ‘प्रशिक्षणले नय“ा सन्देश र तंरग ल्याएको छ ,यह“ाको युवावर्गले यसलाई सदुपयोग गरेका छन्,’उहाले भन्नुभयो । यस्तो प्रशिक्षणलाई देशभर नै व्यापक बनाएर लैजाने योजना रहेको छ ।
कांग्रेसका केन्द्रिय सदस्य धनराज गुरुङ, गुरु घिमिरे , राष्ट्रिय सभा सदस्य बद्रि पाण्डे, प्रदेश सभा सदस्य जिवन परियार र काभ्रेका सभापति मधु आचार्यलगायतले प्रशिक्षण दिएका हुन् । साबिक क्षेत्र न ३ का २४ गाविसका ८६ जना प्रतिनिधिलाई प्रशिक्षण दिइएको थकनीका कांग्रेस इकाइ सभापति कृष्णबहादुर तामाङ समिरले जानकारी दिनुभयो ।
रामचन्द्र दुलाल
