मोदीको १ वर्ष पुरानो इच्छा ओलीले गर्दिने भए पुरा,मोदीले नेपालीमै भने-केपी ओली सारै सूरा
भारतीय प्रधानमन्त्री नरेन्द्र मोदी पवित्र धार्मिकस्थल जनकपुर दर्शन गर्ने चाहना पूरा हुने भएको छ । यसको प्रबन्ध मिलाइदिएको छ केपी शर्मा ओली नेतृत्वको नेपाल सरकारले । यसअघि ओली सरकारकै कारण भ्रमण रद्ध गरेका मोदी ओली दोस्रोपटक प्रधानमन्त्री भएपछि जनकपुर र मुक्तिनाथको दर्शन गर्न नेपाल आउन लागेका हुन् ।
भारतीय मिडिया हिन्दुस्तान टाइम्सका अनुसार मोदी आउँदो मे ११ अर्थात यही वैशाख २८ गते नेपाल भ्रमणमा आउने छन् । उनी त्यहि दिन धार्मिकस्थल जनकपुर जाने तय भएको छ । मोदीको यसपटकको नेपाल भ्रमण उनी सत्तामा आएदेखि तेस्रो हुनेछ । तर नयाँ संविधान जारी भएर चुनाव भइ फेरिएको राजनीतिक परिवेशमा हुन लागेको मोदीको पहिलो भ्रमणलाई अर्थ पूर्ण रुपमा हेरिएको छ ।
केही हप्ताअघि नेपालका प्रधानमन्त्री केपी शर्मा ओली भारतको औपचारिक भ्रमणमा गएका थिए । त्यहि बेला ओलीले मोदीलाई नेपाल भ्रमणको निम्तो दिएका थिए । ओली गएको चैत २३ देखि २५ सम्म भारतमा थिए ।
यसपटक मोदी नेपाल आएकै दिन जनकपुर जाने स्रोतलाई उद्धृत गर्दै हिन्दुस्तान टाइम्सले जनाएको छ । यसअघिको भ्रमणमा मोदी जनकपुर जान चाहेका थिए तर सम्भव भएको थिएन ।
पहिले ओलीको भारत भ्रमण र अहिले हुने तयारी रहेको मोदीको नेपाल भ्रमणले नेपाल भारत सम्बन्ध थप मजबुद बन्ने देखिएको छ :
